Read BORANA BIBLE – KITAABA WAAQA 2 Odu duri 7 Bible Online

2 Odu duri 7 - BORANA BIBLE – KITAABA WAAQA bible

2 Odu duri 7

¹ Solomonini kad'acha ufi hobaase. Jennaani ibidi gubba gadi bue, sorio baasani taani ch'ufa gube, guddinni AABBO Waaqa ka bibiliqu mana isaa guute.

²Waan Mana Waaqa suni guddinni bibiliqu sunini guuteefi, qaaloleleeni seenu dad'abde.

³ Worri Israeli aka ibidi gubbaa gadi buefi guddinna AABBO Waaqa ka bibiliqe Mana guute arginaani, ballinna ch'icha Mana Waaqati gadi jejed'ani, Waaqa kad'atani, galata deebisanifi waan jed'ani, AABBO Waaqi dansa, jaalalti isaaleeni haga jiru jireenna jirti.

⁴Jennaani hayyufi worri ch'ufti sorio AABBO Waaqaa baase.

⁵Inni looni kuma diddami lamatiifi hooliye kuma d'ibbafi diddama sorio wold'ageeti qale, duuba akanaani hayyuufi gumiini Mana Waaqa suni eebifte.

⁶Qaaloleeni fulluma isii mid'aasani ejaanjite, worri Lawileeni fuula worrati deefate, miha sirba ka, Daudini worraa kenne d'ae AABBO Waaqa faarse, jaalalti isaa haga jiru jireenna jirti jed'ani sirbani, akuma Daudini worrati hime kaani. Qaaloleeni magalata d'oofte, ka biyyiti oli ejaanjitu.

⁷Solomonini ballinna ch'icha Mana Waaqa wod'aka isaa eebise qulqulleese, achiti sorio gubanifi mid'aani Waaqaa baasanifi gabbinna hori sorio wold'ageetiti qalani Waaqaa baase. Wonti mesa fakaata, ka sibiila diimani mid'aasani sorio irati baasani kaani, sorio tana ch'ufa infuutu, tanaafi inni ch'icha suni eebise sorio irati baase.

⁸Solomonifi worri Israeli ch'ufti guyya torba jila Hoosa tolfatani. Nami kaarra Hamathi ta mirgale ch'ufa d'ufe, ammalle bitaa gara seera lafa Misirile ch'ufaa d'ufe, artiti nami ch'ufti wolti d'ufe lafa ira dabre.

⁹Worri bulti torba huji waan mesa fakaata kaanini eebisani keesa oole, bulti torba d'ibile jila tolfate. Guyya eege worri woldeenna guddo toko tolche,

¹⁰duuba boriyyaate, guyya diddami sadeeso ka jia torbeeso, Solomonini biyya galche. Waan AABBO Waaqi gumi Israelitiifi Daudifi Solomonile eebiseefi biyyiti guddo gammadde.

¹¹Solomonini Mana AABBO Waaqatifi mana, hayyu jaare, waan qara herege ch'ufa aka dansaa hobaase jennaani,

¹²AABBO Waaqi halkani isati d'ufe waan jed'eeni, Anini kad'acha atini na kad'atte ya d'agaye, ammalle Mana kana ya fohad'e, aka sorio keesati na qalani.

¹³Hojja anini bokaya oolche, awaanisa mid'aani keesani nyaatufi ch'iisa d'ukuba hama gumi tiyyati buuse,

¹⁴ammo yo worri ufi diqeese na kad'ate waan hamtu qara tolche iraa deebie, anini gubbati worra ch'aqase ch'ubbu worraa araaramefi lafa worrale daraarsa.

¹⁵Anini ilaafi gurra kiyya banad'e, kad'acha fulla tanati na kad'atani d'agaya;

¹⁶wonti akanatiifi anini ya Mana kana fohad'e eebise fulla haga jiru jireenna keesati na kad'atani tolche. Tanaafi anini guyya ch'ufa Mana kana tisse qorqorad'a.

¹⁷Yo atini akuma abba kanke Daudi garaa tokooni na hojatte aadaafi seera kiyya jabeesite dubbi tiyya ch'ufa guute,

¹⁸ anini kakhu duri abba kanke Dauditi kakhad'e, ta d'alooti kanke nami toko haga jiru jireenna, worra Israeli imfida jed'e, inguuta.

¹⁹Ammo yo siifi gumiini tante aadaafi seera anini isanii kenne didani Waaqa d'ibi kad'atani,

²⁰anini lafa duri isanii kenne keesaa isani balleese, Mana iti na kad'atani, ka anini eebise kana, lakise biraa deema. Ammalle fulla ch'ufati mana kana goyeesani tufatani.

²¹Mani kunini amma tana guddo gurra qaba, ammo gaafasi nami d'aatu bahu iraa rifate maadefate waan jed'u, AABBO Waaqi maanifi lafa teennafi Mana kana akana tolche?

²²Duuba biyyiti waan jettu, Wonti Waaqi akana tolcheefi waan worri AABBO Waaqa isaani, ka lafa Misiri keesaa ababoota isaani baase, lakiseefi. Worri Waaqa d'ibi gula bahe, Waaqa suni yaamate hojateefi. Duuba tanaafi AABBO Waaqi gaargala kana ch'ufa worraatini d'ufe jetti.