Read BORANA BIBLE – KITAABA WAAQA 2 Odu duri 9 Bible Online

2 Odu duri 9 - BORANA BIBLE – KITAABA WAAQA bible

2 Odu duri 9

¹ Hayyitiini Sheba gurra Solomoni d'ageete jennaani, imaltu gara Yerusalemu d'at'e, dubbi jajabdu isa gaafate. Isiini namaafi geejiba gaala heddu, ka qumbifi d'akhaaye ch'uch'ulut'ufi worqi muumme inqamne baatu, woliini d'ufte. Isiini Solomonini woli arginaani waan garaa qabdu ch'ufa gaafate.

²Inni waan isiini gaafatu himeefi, wonti tokoleeni ta jajabatte inni himu dad'abe injirtu.

³Hayyitiini Sheba qarooma Solomonitifi mana inni jaarelle agarte,

⁴sagale isaani gololchanifi fulla hojattuuni isaa iti galtufi ammalle kara hojattuuni isaa hujiini hojatufi, woya worri naqatufi, hojattu guyya jila isa gololchitufi sorio inni Mana Waaqa keesati baasule ch'ufa agarte jennaani aka male mamte, afaani qabatte.

⁵Jannaani isiini waan hayyu Solomonini jette, wonti kanke ka anini lafa tiyyati d'agaye, ka nafa keetitifi qaroomileeni ch'ufti waan jirati!

⁶Anini waan kanke ka d'agaye taka ind'ugeefanne, haga d'ufe ila tiyyaani argeti. Wonti anini d'agaye diqo, atini haga nami sini jed'ule ira qaro.

⁷Hojattuuni tante akami milki qabdi, ta guyya ch'ufa si bira ejite qarooma kanke ch'aqaftu!

⁸AABBO Waaqa kanke ha faarsaniti! Inni si maache, hayyu si tolche, aka atini maqa isaatini worra Israeli mohatu. Waan inni haga jiru jireenna worra isaa ka Israeli jaalate jabeesu fed'uufi, inni hayyu worra si tolche, aka atini d'ugaani worra fidde seerale jabeesitu.

⁹Isiini waan d'ufteeni ch'ufa Solomonii kennite: Worqi haga kilo kuma afurifa, ammalle qumbifi d'akhaaye ch'uch'ulut'u muumme inqamne. Qumbiini haga qumbi hayyitiini Sheba hayyu Solomoni d'ufteeni dansa taka nami lafa keesati inagarre.

¹⁰(Jari Hiramutifi ka Solomoni, ka lafa Ofiriti worqiini d'ufe kaani, mukha ejersa fakaatu tokofi d'akhaaye ch'uch'ulut'uleeni d'ufe.

¹¹Solomonini mukha suni faano Mana isaatiifi ka Waaqa tolche. Waan akasi suni taka lafa Yuda keesati inagarre.)

¹²Hayyu Solomonini waan hayyitiini Sheba isa kad'atte ch'ufa kenneefi, ammalle waan isiini kenniteefi kaanile ira waan d'ibi kenneefi. Jennaani isiifii hojattuuni isii lafa isaniti galani.

¹³Ganna ch'ufa Solomonini worqi kilo kuma diddami sadi argata;

¹⁴tana malele inni damosa bunat'ufi daldaltuni isaa baaftu argata. Hayyooti Araftitifi worri gugurdaani lafa Israeli arda arda mohatuleeni qarsifi worqi d'ufeeni.

¹⁵Solomonini wonte gugurdo d'ibba lama mid'aase, nafa isii ch'ufa worqi kilo torbatini duuche.

¹⁶Ammalle inni wonte didiqo d'ibi d'ibba sadi mid'aase, nafa isii ch'ufa worqi kilo saditini duuche. Duuba wonte tana ch'ufa mana inni jaare, ka Badda Lebanoni jed'ani kaani, keesa naqe.

¹⁷Hayyichi ammalle barch'uma hayyu gudda toko mid'aase. Nafa isaa haga toko ilka arbaatini mid'aasani ch'okhani, kaani worqi dansaani ch'okhani.

¹⁸Barch'umani suni faano jaa ta yaabatanini qaba, ammalle fulla miila ira d'aabatani ta worqiini ch'okhani iti tolchani. Ammalle barch'uma suni fulla harka ira keyataniti gama lachu jira. Akheekha nyeench'ale gama lachuti mid'aasani.

¹⁹Faano suni guba akheekha nyeench'a ka kud'ani lamati jira, ka faanoni ch'ufti gama lamaani qabdu. Barch'uma hayyu ka akasi suni taka lafa d'ibi keesati imid'aasine.

²⁰Muduunini Solomoni ch'ufti ta worqiti, ammalle mihi woini sooratani, ka Mana Badda Lebanoni jed'ani kaani ch'ufa, worqi ch'allaani mid'aasani. Bara Solomoni suni qarsi womatu indarani.

²¹Inni hobolo heddu, ta lafa fago hobolo Hiramu woliini yaatu, qaba. Duuba hobolooni suni, hojja ganni sadi dabru ch'ufa dachaate worqifi qarsifi — ilka arbaatifi jaldeesa gaaratifi qamaleeni d'ufti.

²²Hayyu Solomonini hayyu lafa keesa jiru ch'ufa ira qalbiifi hori qaba.

²³Hayyooti ch'ufti d'ufte isa wo gaafate qarooma Waaqi kenneefi suni iraa wobarate.

²⁴Hayyooti sunini ch'ufti woini isaa d'ufti — waan qarsifi worqiini mid'aasani fa, woya fa, miha lola fa, qumbifa, fardaafi gaangele. Waan kana ganna ch'ufa akasuma d'ufaniini.

²⁵ Ammalle Solomonini maneeni fardooleeni isaatiifi gaarini isaa iti galu kuma afuri qaba. Ammalle fardoole askartini yaabatu kuma kud'ani lama qaba. Haga toko Yerusalemuti galche, kaani dira d'ibiti gargari qoode.

²⁶Inni hayyoota lafa haga galaana Efrati ejite lafa Filistitifi seera lafa Misiriti ejitu ch'ufa mohata.

²⁷ Gaafasi Yerusalemu keesa qarsiini lafa ira dabarte akuma d'akhaati heregani, hind'eesale akuma mukha dambiti heregani, ka fulla ch'ufa jiru.

²⁸ Solomonini fardoole lafa Musiritifi lafa d'ibile ch'ufa iraa bitate.

²⁹Waan Solomoni tolche ch'ufa, haguma geetunu, kitaaba huji raaga Nathani jed'anifi, fagisa Ahiya lafa Shilotifi daayya raaga Ido ka waan hayyu Rehoboamule keesati t'aafaniti t'aafani.

³⁰Solomonini ganna afurtama Yerusalemu keesa worra Israeli ch'ufa mohate.

³¹Duuba eege due, dira Daudi keesati isa awaalani, ilmi isaa Rehoboamuni fulla isaa hayyu tahe.