Read BORANA BIBLE – KITAABA WAAQA Esta 2 Bible Online

Esta 2 - BORANA BIBLE – KITAABA WAAQA bible

Esta 2

¹Eegi wonti ch'ufti dabarte hayyichileeni dallansu galfate, inni waan Vashtiini isa tolchiteefi, seera inni isii jed'e baase qaabate.

²Duuba hojattuuni isaa ta gari, ta mala isaa d'ooftu, waan jette, Atini, dubra mimid'aadu na barbaada jette ho?

³Duuba hojattu lafa tante, ta lafa atini fiddu ch'ufa keesa jirtu, qonqo iti ergi, aka worri dubra mimid'aadu barbaade mana kanke ka dubra taka imfuud'iini iti galchani dira gudda Shushani ke jiruuni d'ufu. Duuba dubra suni harka Hegai, namicha sangicha nad'eeni qorqoratuti kenni, aka qumbifi d'ad'ale kennaniifi.

⁴Duuba dubra suni keesa intala dansa feetu fuud'i, fulla Vashti hayyiti tolchi. Jennaani hayyichi mala suni quufe gula deebie.

⁵Namichi toko, ka Mordekai jed'ani, ka gosa Yahuditi, dira Shushani jira. Balbalti gosa isaa Benjamini, inni ilma Shimei, ka ilma Kishi.

⁶Gaafa Nebukadrezani, ka hayyu Babiloni, hayyu Yuda ka Yekonia jed'anifi nama garile woliini Yerusalemu keesaa boojie, Mordekaiini worra boojiani suni keesa jira.

⁷Intala dubri isaa toko, ta afaani Ebraniatini Hadasa jed'ani, ta ammo maqaani isii d'ibiini Estati fulla isaa jira. Intalti sunini guddo d'aabafi fuulale mid'aadi. Abbaafi haati doonaani inni isi fuud'e, akuma ilme ufi guddise.

⁸Duuba gaafa seera hayyuuni baase kaani lalabani dubra heddu dira Shushaniti guurani, Estaleeni guuriti suni keesa jirti. Isiile harka Hegai, ka dubra suni mana hayyu keesati qorqoratuti kennani.

⁹Inni guddo adaba isii jaalate maache, hurrise maro tokotu qumbifi d'ad'afi sagale isii malteefi mana mana ch'ufa ira dansatiifi dubra torba ta isi hojattu file kenneefi.

¹⁰Duuba isiini gorsa Mordekai gula gosafi worra isiile d'ofate.

¹¹Mordekaiini guyya ch'ufa d'aatu mana dubartii taani keesa jirtu kaaniini mara, aka waan Estani keesa jirtu hubatu.

¹²Qayyafi d'ad'a haga ganna toko dubra sunii kennani — haga jia jaa qayya naqanifi ammalle jia jaa d'ibi d'ad'a dibaniifi. Eegi suni dubra suni toko tokooni fuud'ani hayyu Ahasuerotiini d'ufani.

¹³Yo isiini toko tokooni mana iti galtu kaani baate gara mana hayyu deemtu, woma feetu keeyatte deemtiini.

¹⁴Isiini galgala gara hayyu deemte, boriyya diirama mana nad'eeni d'ibi, ka Shaashgazi sangichi qorqoratuti galchani. Duuba isiini iti deebite fulla hayyuti indeebitu, yo inni isi jaalate maqa isii d'ae yaame male.

¹⁵Jennaani yoi Estani gara hayyu d'at'u gahe. Estani tunini dubra Abihaili, ka abuyya Mordekai, ka aka ilmaani ufii isi guddise; ammalle nami isi arge ch'ufti isi jaalate. Marooni isii geennaani isiini waan Hegai, sangichi nad'eeni qorqoratu, Keeyad'u jed'eeni ch'alla keeyatte.

¹⁶Duuba jia kud'anneeso ka Tebethi jed'ani, ganna torbeeso ka Ahasueroni lafa fide keesa, isi fuud'ani mana hayyichatini d'ufani.

¹⁷Hayyuuni dubra taani ch'ufa ira isi jaalate. Isiileeni dubra taani ira isa gammachiifte. Inni ruufa hayyuma mata isii ira kaye, fulla Vashti isi hayyiti tolche.

¹⁸Jennaani hayyichi jaallabafi makala isaa ch'ufa yaame, Estaa jed'e, Jila guddo tolche. Inni maro jila sunitifi jed'e, oolma biyyaa kenne, ammalle waan guddo baase wo namaa qoode.

¹⁹Baruma suni hayyichi Mordekai huji qorate.

²⁰Gorsa Mordekai gula Estani gosafi worra keesaa d'alattele namati himu didde; wonti akanatiifi Estani, akuma gaafa ijoolluma dubbi Mordekai saalfatte gula deemte taani, dubbi isaa gula deemte.

²¹Duuba bara Mordekaiini huji hayyuu hojate suni, Bigthanafi Tereshiini, jari balbala hayyuu eegu, hayyicha jibbe ijeecha iti malate.

²²Mordekaiini mala worra d'agaye hayyititi hime, isiini waan Mordekaiini jed'eeni hayyichati himte.

²³Dubbi tana aka dansaa ilaalani, aka isiini d'uga argani, jennaani jara kaani lamaani t'urrisa iti kayani mukhati fannisani. Duuba jecha hayyuu gula dubbi tana ch'ufa kitaaba odu waan duri lafa keesati tahe keesati t'aafaniti t'aafani.