Read BORANA BIBLE – KITAABA WAAQA Esta 7 Bible Online

Esta 7 - BORANA BIBLE – KITAABA WAAQA bible

Esta 7

¹Akanaani hayyichafi Hamaniini maro lameeso sagale Esta woliini nyaachu d'aqani.

²Ato daad'i d'uganu, hayyichi waan hayyitiini jed'e, Atini maani feeta? Maani sii tolcha? Ato lafa anini fidu gama toko feetele siuma keenna.

³Jennaani hayyitiini Estani waan jette, Yo na d'ugeefatte, ee hayyicha, ammalle yo sii taate, lubbu na baasi, gosa tiyyale jireesi.

⁴Anaafi gosa tiyyale ya qalmaa gurgurani. Ato sila aka tisse ch'alla nu tolchani anini afaani qabad'a. Ammo waan nu qaqalani nu hobaasaniifi amma dubbad'a.

⁵Jennaani hayyuuni Ahasueroni waan hayyitiini jed'e, Eenu nami waan akana kana tolchu fed'u? Inni meeti?

⁶Estani waan jette, Namichi nu gaargalche nyaapa nuti tahe woni dabdicha Hamani jed'ani kana. Jennaani Hamaniini mudame, lubbuuni d'ufte waan tahu d'abe, worra mimilate.

⁷Hayyichi dallane, mana keesaa gabahe, oobru isaa seene. Ammo Hamaniini mana keesati hafe, aka lubbu baasani hayyiti Esta kad'atu; wonti akanatiifi aka hayyuuni iti dallane waan hamtu isa tolchu fed'u ya arge.

⁸Inni sire Estani ira teetu irati jige, aka bahisa isii kad'atu; ammo hayyichi ato inni siruma ira ch'iisu, oobru keesaa gadeebie, arge iyye waan jed'e, Nami kunini, ato anini bira eju, mana kiyya keesati, niiti tiyya irreeni buufata? Ato hayyuuni dubbuma tana afaani qabu, worri sasangaani kaani d'ufe Hamani woya fuulati hagoge.

⁹Worra suni keesa, nami toko ka Harbona jed'ani, waan hayyuuni jed'e, Suni lakisi, beeta, Hamaniini yayu mukha d'und'uma shantama, ka Mordekai, ka lubbu te baase, irati fannisani mid'aase. Mukhi suni amma d'aatu mana isaa eja. Hayyichi waan jed'e, isuma mukha suni irati fannisa!

¹⁰Duuba Hamani mukha inni ufiftu qara Mordekai jed'e mid'aase kaani irati fannisani. jennaani hayyichi dallansu galfate.