Read BORANA BIBLE – KITAABA WAAQA Bahisa 38 Bible Online

Bahisa 38 - BORANA BIBLE – KITAABA WAAQA bible

Bahisa 38

¹Inni waan mesa fakaata ka sorio irati gubani mukha d'adachatiini mid'aase. Gami isaa afraanu ch'ufti wolqit'e, d'eerinnafi ballinnileeni d'und'uma shani, old'eerinnileeni d'und'uma sadi.

²Moga isaa afraanu gaafa iti mid'aase, aka gaafa sunifi wonti mesa fakaata suni wolti ejitu. Ammalle nafa isaa ch'ufa sibiila diimani duuche.

³Ammalle miha waan mesa fakaata suni ch'ufa mid'aase; eele, bao, qori, hookofi daboola. Miha kana ch'ufa sibiila diimani mid'aasani.

⁴Ammalle gingilcha sibiila diimani mid'aase, waan aka naanno ka mesa suni irati jaarani jala kaye, aka inni wod'aka mesa suni tau.

⁵Ammalle qube baataniini afuri mid'aase qota afraaniti naqe.

⁶Kalcho d'adacha ta mesa suniini baatani mid'aase sibiila diimani nafa isii duuche,

⁷duuba kalcho suni qube moga moga mesa suni jirtu keesa naqe, aka baataniini. Mesaani suni sanduqa mukhaani mid'aasani fakaata.

⁸Inni qori guddo bisaani iti d'iqatanifi waan isiini ira ejitule sibiila diimani mid'aase. Sibiila suni dawiti nad'eeni fulla balbala Waaro Woyyuma hojattu iraa mid'aase.

⁹Golla naabo Waaro Woyyuma inni woya booftatiini mid'aase. D'eerinni golla suni ka gama bitaa d'und'uma d'ibba toko;

¹⁰utubaani golla suni sibiila diima diddama, ka kamu sibiila diima akasi diddama, jala d'ad'aabani; ammalle hookofi ule qarsi qaba.

¹¹Naaboni akasuma gama mirgale waan suni ch'ufa qabdi.

¹²D'eerinni golla gama ila adutiini d'und'uma shantama, ammalle utuba kud'anifi hookofi ule qarsiini mid'aasani qaba.

¹³Gama ilaboru, fulla balbala naabo, ballinni isii d'und'uma shantama.

¹⁴Gama balbala lachu d'eerinni gollaa d'und'uma kud'ani shani, ka ammalle utuba sadifi waan inni ira ejaanju sadi qabu.

¹⁶Golla naabo suniini marsani ch'ufa woya booftatiini mid'aasani.

¹⁷Waan dongoraani suni ira ejaanju sibiila diimani mid'aasani, hookofi uleefi ammalle waan mata dongora suni ira kayanile ch'ufa qarsiini mid'aasani. Dongora naabo suniini marsani ule qarsitiini dagalchani jaarani.

¹⁸Golla balbala naabo woya boofta ta liilana bulefi bule diimafi ammalle diimani barreesani d'aanini ch'okhani. D'eerinni isaa d'und'uma diddamaati, ballinni d'und'uma shani, ka golla naabotiini wolfakaatu.

¹⁹Dongoraani isaa afuri; wonti dongoraani ira ejaanju ta sibiila diimani mid'aasanileeni afuri. Hooko isaatiifi fiit'eefi ule ira d'adagalchanile qarsiini mid'aasani.

²⁰D'iisa Waarotiifi ka golla naabole sibiila diimani mid'aasani.

²¹Mihi sibiila ka Waaro Woyyuma keesaani hojatani ch'ufa fulla d'akha hahafalicha lamaani, ka Seera Kud'annaani kaani irati qorani, kayani. Miha suni ch'ufa Musati, Mid'aasa jed'e. Jennaani ogeeyiini Lawi, ta Ithamari, ilma Haruni, jala hojattu, mid'aasite.

²²Bezalelini, ilmi Uri, ka akhaakhu Huri, ka gosa Yuda, waan AABBO Waaqi, Mid'aasa jed'e ch'ufa mid'aase.

²³Nami isa qarqaaru Oholiabu, ilma Ahisamaki, ka gosa Dani; inni ogeesa wo ch'okhufi wo barreesufi ammalle ka woya boofta bulefi bule diimtufi diimtule d'au.

²⁴Worqi ch'ufa, ta AABBO Waaqa d'ufaniini huji Waaro Woyyumati baasani, ulfinni isii kilo kuma toko, aka seera bara suni gula.

²⁵Qarsiini ta gaafa gumi heddani iraa guurani, ulfinni isii kilo 3,430, aka seera bara suni gula.

²⁶Ulfinni kiiini barreesani ch'okhani.

²⁷Qarsi kilo kuma sadifi d'ibba afuritiini waan utubaani ira ejaanju d'ibba toko, ka Waaro Woyyumatiifi golla isiile, mid'aasani, ka ulfinni waan utubaani ira eju toko kilo sodomi afuri.

²⁸Qarsi kilo sodoma ta hafteeni Bezalelini uleefi hookofi kalchoofi fiit'e isiile ch'ufa mid'aase.

²⁹Sibiili diimani AABBO Waaqaa baasani kilo 2,425.

³⁰Sibiila diima suniini inni waan utubaani balbala fullo Waaro Woyyuma ta AABBO Waaqaa ira ejaanjufi waan mesa fakaatatiifi gingilcha isiitiifi miha isaa ch'ufale mid'aase.

³¹Ammalle sibiiluma suniini inni waan utuba balbala naabo suni jala naqanifi d'iisa Waaro Woyyumatiifi ka naabole mid'aase.