Read BORANA BIBLE – KITAABA WAAQA Bahisa 5 Bible Online

Bahisa 5 - BORANA BIBLE – KITAABA WAAQA bible

Bahisa 5

¹Eegi suni Musafi Harunini gara Farao d'aqani waan jed'aniini, AABBO, Waaqi Israeli, waan jed'u, Worra kiyya galakisi, aka worri lafa aloo d'aqe jila naa tolchu.

²Ammo Faraoni waan jed'e, AABBO Waaqi suni eenu kana, ka anini dubbi isaa d'agaye gosa Israeli gadi lakisu? Anini AABBO Waaqa keesani imbeekhu, ammalle worra Israeli gadi illakisu.

³Jennaani worri waan jed'e, Waaqi gosa Ebrania ya nuti mullate. Haga guyya sadi nu gad'iisi, lafa aloo yaane, sorio AABBO Waaqa keenna baamna, aka inni d'ukubafi woraanaani nu imballeesine.

⁴Ammo hayyuuni waan Musafi Harunini jed'e, Isani maafi worra kana huji hojachu d'owitani? Huji teesaniti deebia!

⁵Isani amma yayu heddattani lafa ira dabartani, ammatana huji didu feetani re?

⁶Guyyuma suni Faraoni worra Misiri ka huji matatiifi worra Israeli ka nama hojachiisu yaame waan jed'eeni,

⁷Iti deebitani worra kana ch'idi worri matofaaraani mid'aasu inkenninaafi. Ha worri yae barbaade ufiini guuratuti.

⁸Ammo henna matofaara worri mid'aasu haga duri tokoleeni inhanqisiina. Wonti akanatiifi worri kunini lalaafa hama, woma inhojatu, tanaafi, Nu gad'iisa, Waaqa keenna sorio baamna naani jed'ani.

⁹Worra kana huji iti dara, aka worri aka dansaa hojate dubbi kiyyiba tana inch'aqamne.

¹⁰Duuba worra hujiti matatiifi worri nama hojachiisuleeni gadi bahani waan biyyaani jed'ani, Faraoni waan jed'e, Deebiani ch'idi isanii inkennani.

¹¹Isanumaani fulla feetani ch'ufa yaa, ch'idi barbaadad'a, ammo hujiini teesani diqole haga duri inhanqattu.

¹²Jennaani worri gargari babahe gara ch'ufa lafa Misiri ke yae ch'idi barbaade.

¹³Worri hujiti mataa kaani dubbi jabeese waan jed'e, Huji teesani ta guyya ch'ufa hobaasa, akuma gaafa ch'idiini jirtu kaani.

¹⁴Worri Faraoni huji mataa tolche worra nama hojachiisu kaani dabse d'aane waan jed'e, Isani maafi huji teesani ta matofaara aka duri kaani inhojanne?

¹⁵Jennaani worri nama hojachiisu ka gosa Israeli d'ufe Faraoti bohe waan jed'eeni, Atini maafi hojattu tante akana tolchita?

¹⁶Ch'idi nu d'owani ammo, matofaara mid'aasa nuuni jed'ani! Ato nu d'aananile wollaali kama worra keesaniti.

¹⁷Ammo inni waan jed'e, Isani ufumaa raftani huji inhojattani, tanaafi amma, Nu gad'iisa, AABBO Waaqa sorio baamna jettani.

¹⁸Ammatana beena, hujiti dachaa, ch'idi diqole isanii inkennani, ammo henni matofaara isani iraa fed'ani haga kaani iraa gadimbuu.

¹⁹Worri Israeli ka biyya hojachiisu kaani aka hayyuuni, Henni matofaara isani guyyaati mid'aasitani haga kaani ira gadinhiqu jed'e d'ageennaani aka bade ufi arge.

²⁰Musafi Harunini, ka worra fulla Faraoti gadi dachau eegani wolargani jennaani waan worri jed'eeni,

²¹AABBO Waaqi ha waan isani taatani laale arguti, wonti akanatiifi Faraofi hojattu isaale nu jibisiiftani, sheefti worri nuuni hobaasu harka keesa keetani.

²²Jennaani Musani AABBO Waaqati deebie waan jed'eeni, Ee AABBO Waaqa, atini worra kanke kana maafi waan hamtu tolchita? Ati maafi asi na ergite?

²³Haguma anini gara Farao d'aqe maqa keetiini iti dubbad'e, inni yayu haga qarale ira worra kanke dabse, atileeni waan toko, ka worraani qarqaartu, intolchine.