Read BORANA BIBLE – KITAABA WAAQA Aayubu 19 Bible Online

Aayubu 19 - BORANA BIBLE – KITAABA WAAQA bible

Aayubu 19

¹Jennaani Ayubuni waan jed'eeni,

²Isani yoomi dubbi teesani d'eertu tanaani na gaargalchu lakiftani?

³Maro heddu na arabsitani, araba na arabsitani iraa ch'eeru diddani.

⁴Ato anini d'uguma wollaala tolchele maanini isani gaargalcha?

⁵Isani waan nara jirtani seetani, maro anini gaargala argad'eefi ch'ubbicha naa seetani.

⁶Isani aka nami waan kana naa tolche Waaqa ingartani? Inni ya t'urura na hid'e, aka na qabu.

⁷Yo anini, ya na dabsani jed'e iyyele, nami na jalaa qabu injiru; ato anini qarqaarsa kad'ad'ele, d'uga inargad'u.

⁸Waaqi yayu kara nati hid'e, anini dandae indabru; inni ya kara kiyya dukana keesati d'osse.

⁹Inni hori kiyya ch'ufa naraa fuud'e, gurra kiyyale balleese.

¹⁰Inni gama ch'ufa na d'ae na ch'ach'abse; inni abdi tiyya aka mukha buqise, lafati na lakise.

¹¹Waaqi aka hamtu gugubate nati dallane, nyaapa ufiiti na herege.

¹²Inni duula ufii had'iisa nati erge, worri boola qotate waaro tiyya marsa.

¹³Inni yayu oboleyaani tiyya naraa fageese; worri duri na beekhu ya nyaapa nati tahe;

¹⁴fiit'ani tiyya ya na lakifte, jaalani tiyya ya na biraa yaate,

¹⁵keessumaani tiyya ya na deete; dubriti na hojattu aka keessumaafi nyaapa na hereddi.

¹⁶Hojattuuni tiyya ato anini yaamele, na jalaa inowaatu, ato anini sobad'ele na jalaa inqabdu.

¹⁷Niitiini tiyyaleeni aja tiyyaafu nati ind'iaatu, oboleyaani tiyyaleeni, ta nu woliini d'allanne, na jibbite naraa fagaati.

¹⁸Ijoolleleeni na goyeesite, yo na gartu na tufati.

¹⁹Jaalani tiyyaleeni ta anini guddo jaalad'u, na jibbiti, nami anini nama ch'ufa ira jaalad'u ya nati gaargale,

²⁰anini yayu gogafi lafe ch'alla tahe; ammo hataatu lubbuuni ya arma gahe.

²¹Jaalani tiyya, naa naha, harki Waaqa ya na d'ae.

²²Isani maafi akuma Waaqi nyaate na fit'e nyaatani na fit'ani? Isani fooni kiyya inquuftani?

²³Ato nami sila dubbi tiyya tana qaabate, kitaaba keesati t'aafe, anini akami fed'a!

²⁴Yokhaani ato inni dubbi tiyya, aka isiini, haga jiru jireenna teetu, d'akha irati sibiilani qore akami jaalad'a!

²⁵Anini imbeekha, aka nami naa kalchu gubbaa jiru, ammalle aka inni guyya muumme d'ufe naa dubbatu.

²⁶Ato d'ukubi nafa kiyya balleesele, anini nafuma kanaani Waaqa arga.

²⁷Anumati ila tiyyaani isa arga, nama d'ibiiniti. Waan isani, Nu akamiini isa gaargalchiine jettanifi garaani na laafe. Isani waan naani haalattani barbaadani.

²⁹Ammo ammatana goraade sodaad'a; wonti akanatiifi Waaqi gaafa dallane goraadeeni nama balleesa, duuba akasiini aka nama wollaala namati muruu jiru beetani.