Read BORANA BIBLE – KITAABA WAAQA Aayubu 38 Bible Online

Aayubu 38 - BORANA BIBLE – KITAABA WAAQA bible

Aayubu 38

¹Jennaani AABBO Waaqi bubbe keesa Ayubuni dubbate waan jed'e,

²Atini Eenu, ka qarooma kiyya dubbi tante daalliti woma keesa injirreeni moromtu?

³Amma aka d'iira kai, oli eji, wo si gaafachu fed'a, waan anini si gaafad'u naa deebisi.

⁴Gaafa anini duri yayaba lafa jaare atini arti jirta? Yo atini guddo wo beete, me naati himi.

⁵Eenuti haga isiini gahu malte herege? Eenuti ballinna isi haadani biime? Atini waan kana ch'ufa imbeeta?

⁶Maaniti utuba lafa tind'isu jabeesa? Eenuti d'akha lafa ka yayaba kae?

⁷Guyya suni bakalchi ganama woliini sirbe malaikaleni gammadani iyyite.

⁸Eenuti balbala fullo, ta bisaani baariini d'owartu, ch'ufe, gaafa bisaani suni garaa lafa keesaa buani?

⁹Nami baariini dumansaani d'osse dukanaani duuche anuma.

¹⁰Anini baariini seera tolche, balbala iti mid'aase qulfe.

¹¹Anini armaa tai, armaa garu indabriini, d'awani tante jabduleeni ha armumati ejattu jed'eeni.

¹²Ee Ayubu, atini taka lafaani, Barii ya jette?

¹³Atini taka biiftuuni, lafa qabi, ch'ubbicha fulla inni iti d'okhate gabaasi ya jette?

¹⁴Guyyaani gaarafi baleele akuma dachaa woya mullisa, akuma beesisa d'oqe faara irati mullatu.

¹⁵Ifsaani guyyaa ch'ubbicha adaate waan d'iba hamtu ka inni sila tolchu d'owa.

¹⁶Atini taka madda d'immu bisaani keesa jirtu ya d'at'e? Atini taka bisaani baariini keesa lit'e, lafa ira ya deemte?

¹⁷Nami taka balbala fulla ekheratini d'aqani ya si garsiise? Yokhaani balbala dukana sipe taka agarte?

¹⁸Atini haga lafti geetu diqole hubata? Yo waan kana ch'ufa beete, nati himi.

¹⁹Atini fulla ifsaani bahufi beeta?

²⁰Atini dandeete haga fageenna worri deemu male ingarsiifta? Yokhaani dandeete keesa indeebifta?

²¹Anini imbeekha, inuma dandeeta, wonti akanatiifi gaafa lafa uumanile achuma jirta!

²²Atini taka fulla anini iti wo olkeyad'u d'at'e, qabanaafi bokaya ya agarte?

²³Anini guyya gaargala, ka woraanafi had'iisatifi, waan suni olkaye.

²⁴Atini fulla aduuni baatufi fulla bubbeeni ilaboru d'uftufi ya d'at'e?

²⁵Eenuti kara bokaya qote, kara mandisuuni d'uftu hare?

²⁶Eenuti lafa aloo, fulla nami injirre, bokaya iti rooba?

²⁷Eenuti lafa bonte gogode bokaya iti roobe marra iti baasa?

²⁸Bokayafi fit'eesi abba qabani?

²⁹Haati ligidafi ta qabana eenu?

³⁰Bisaani ch'ufti jabaatani d'akhaa taani, baariinileeni qabanae ligidae.

³¹Atini dandeete urji Buusani wolti hiite, haada Arbagaadu wolti hid'u, dandeete gargari hiita?

³²Atini dandeete urji kara qajeelchite, torbaanifi lamile dandeete kara garsiifta?

³³Atini seera gubbaa beeta? Seera suni dandeete, ka lafaa intolchita?

³⁴Atini dandeete dumansaani lolte, bisaani muumme inqamne gadi imbuufta?

³⁵Atini dandeete angaasu angaasifte, isiini d'ufte, Anini kuno siini jetti?

³⁶Eenuti hojja galaani Nile fach'au dakhayeti hima? Eenuti aka bokai roobu bararatooti hima?

³⁷Eenuti qalbi dumansaani hedu qaba? Eenuti dandae butte gubbaa qaarise bokaya biyye d'oqe tolchu keesaa jisse?

³⁹Atini sagale nyeench'i nyaatu imbarbaadafi? Yokhaani kuble nyeench'a ta beela qabdu,

⁴⁰ta goda keesati d'okhate wo eegatu, inquubsita?

⁴¹Eenuti haranqeesa beelaa lafa maru, ka ilmaani isa sagale nati bootu, nyachisa?