Read BORANA BIBLE – KITAABA WAAQA Aayubu 41 Bible Online

Aayubu 41 - BORANA BIBLE – KITAABA WAAQA bible

Aayubu 41

¹Atini dandeete gorjama hooko qurt'umini qabanini qabde araba isaa haadani hiita?

²Atini dandeete haada funani isaa keesa keete, boqo isa hookoni woraanta?

³Inni, Na gad'iisi jed'e si kad'ata? Yokhaani naasu si kad'ata?

⁴Inni wold'aqisa si woliini tolfate, aka sii hojatu ee jed'a?

⁵Atini aka simpirre dubarti si hojatuleeni tabatuni qabde woliini tabata?

⁶Daldaltuleni gati isa irati wold'abdi? Nagaadeeni gargari ch'irte gurgurti?

⁷Atini dandeete goga isaa maro heddu hooko qurt'umitini woraanta? Yokhaani dandeete mata isa woraanani tumata?

⁸Yo guyya toko tut'e, sodaa deebite iti indeebitu; had'iisa inni si had'u haga jirtu indeetu!

⁹Nami gorjama argu hojuma suni mudame lafa d'aa.

¹⁰Inni yo dallane aka male hama; nami tokoleeni dandae garaa jabaate isa dura ineju.

¹¹Eenuti dandae isa had'e duraa baha? Nami dandae akasi tolchu tokoleeni injiru.

¹²Me, waan miila goorjama siti hime, aka inni jaba hama si barsiisa, ch'aqasi.

¹³Eenuti dandae goga isaa jaba suni iraa baasa? Yokhaani eenuti dandae goga isa yabbicha suni woraana.

¹⁴Eenuti dandae boqo isaa ta ilkaani gagadeeni nama sodaachisani suni iti ejaanjani, bana?

¹⁵Dudda isa waan aka wonte hedduuni mid'aasani, ta hod'ani aka d'akhaa jabaatu.

¹⁶Wonte suni ch'ufa aka jaba wolti hod'ani qilleensi dandae jiddu inseenu.

¹⁷Wonteeni sunini aka male wolti ejiti, wonti dandae gargari baasi injirtu.

¹⁸Hojja inni hat'ifatu, ifsaani iraa biliqe, ilti isaa akuma adu diirama baatu ifsiti.

¹⁹Afaani isaa keesaa ibidi bobae, qaanqeeni isa keesa oriti.

²⁰Funani isaa aari keesaa bahe, akuma aara buuyo jiitu okote jalaafi gubbaani keesaa bahu.

²¹Hafuuri isaa ibida bobeese; bobai ibida afaani isaa keesa baha.

²²Lumeeni isa guddo jabdu, nami isaa argu ch'ufti imudama.

²³Goga isaa fullaani toko laaftuni injirtu; akuma sibiila jabaata, diqole ilalaafu.

²⁴Garaani isaa d'akhaa, woma insodaatu; akuma d'akhaa daakhu jabaata, ka diqole illaamne.

²⁵Yo inni olkau, nami jajabaaleeni sodaate, lubbuuni d'ufte waan tau wollaala.

²⁶Goraadeeni tokoleeni ta dandeete isa woraantu injirtu; woraanafi t'iyiti ta isa woraantu injirtu.

²⁷Sibiili guraachi aka buuyo iti laafa, sibiili diimaleeni hoofa mukha iti fakaata.

²⁸T'iyiti isa baqachiftu injirtu; d'akhaani isani had'ani filiida buuyo iti fakaata.

²⁹Bokuuni buuyo iti fakaata, hojja woraana iti darbani inni inkobla.

³⁰Gogaani garaa jala okote faara ta ch'ach'abt'e fakaata, gogaani suni d'oqe fafalaansa aka mukha mid'aanini d'aanani.

³¹Inni aka bisaani danfisani baariini woch'isisa, akuma d'ad'a bassani dulooti naqani woch'isisa.

³²Inni hojja bisaani keesa deemu kara bibiliqa ufi duubati lakisa baariinile hoomacha adi tolcha.

³³Wonti lafa tana keesa jira ka isaani wolfakaata injirtu; inni bineensa woma insodaanne,

³⁴inni bineensa kikiyyiba ch'ufa intufata, inni hayyu bineensa ch'ufaati.