Read BORANA BIBLE – KITAABA WAAQA Aayubu 42 Bible Online

Aayubu 42 - BORANA BIBLE – KITAABA WAAQA bible

Aayubu 42

¹Jennaani Ayubuni waan AABBO Waaqaani jed'e,

²AABBO, anini imbeekha, aka atini waan ch'ufa tolchu dandeetu; nami waan atini tolchu feetu dandae d'owu injiru.

³Atini, Nami tae qarooma kiyyaani mormu kunini eenu jette? Na gaafate, ka anini ufiftu woma imbeenne. Anini woma imbeenne, waan mama ka dandae waan isii inhubanne dubbad'e.

⁴Atini dubbi tiyya ch'aqasi waan anini si gaafad'u nati himi, naani jette.

⁵Gaafasi, anini gurruma ch'allaani si d'agaye, ammo amma ya iluma tiyyaani si arge.

⁶Tanaafi anini amma waan jed'e kaani ch'ufa iraa ch'eere, daarafi awaara keesa tae, ch'ubbu tiyya iraa deebia.

⁷AABBO Waaqi dubbi tae Ayubuti dubbatu taani buufannani waan Elifazini jed'e, Anini sifi jaalani tante lamaaniti ya dallane, wonti akanatiifi isani aka hojattu tiyya Ayubu waan kiyya ka d'uga indubbanne.

⁸Amma tana koromi torbafi Elemiya torba fuud'a, Ayubutini koota, maro wollaala keesanitifi sorio baasa. Hojattuuni tiyya Ayubuni Waaqa isanii kad'ate duuba anini kad'acha isaa d'agaye, ch'eera isani d'owe, waan sila isani tolchu lakisa. Isani aka Ayubuni waan kiyya d'uga dubbate indubbanne.

⁹Duuba Elifazifi Bildadifi Sofarini, akuma AABBO Waaqi jed'eeni kaani tahani AABBO Waaqileeni kad'acha Ayubu d'agayeefi.

¹⁰Jennaani eegi Ayubuni jaalani isa taani sadeeni Waaqa kad'ate. AABBO Waaqi ammalle isa horsiise, waan inni duri horate kaani ch'ufa ira harka lama kenneefi.

¹¹Oboleyaani isaa ta d'iiratifi ta dubraatifi jaalani isaa taani, ch'ufti gara isa d'ufte, mana isaa keesati sagale woliini sooratani. Worri isaa nahe, garaa jabeese, maro gaargala gudda AABBO Waaqi itiini d'ufe kaanitifi. Worri ch'ufti beesefi qube worqi isaa kenne.

¹²AABBO Waaqi haga duri Ayubu eebise, kaanile ch'ufa ira isa eebise. Ayubuni hooliye kuma kud'ani afuritiifi gaala kuma jaatiifi looni kuma lamatiifi harre kuma toko horate.

¹³Inni ilmaani d'iira torbafi dubra sadi d'ale.

¹⁴Intala isa ta angafa maqa Yemima baase, ta iti aantu Kesia baase, maand'iti Keren-Hapuhu baaseefi.

¹⁵Nad'eeni lafa suni ta aka dubra Ayubu mimid'aadu injirtu. Abbaani worra oboleyaani isaani ta d'iira woliini d'aala qood'efi.

¹⁶Ayubuni eegi gaargala kaani keesaa bahe, ganna d'ibbafi afurtama tae, akhaakhufi ababoole ch'ufa arge,

¹⁷jaare fulla gahe due.