Read BORANA BIBLE – KITAABA WAAQA Faaru 2 Bible Online

Faaru 2 - BORANA BIBLE – KITAABA WAAQA bible

Faaru 2

¹Gochiti ch'ufti maanifi dallante mala woma imbaane d'aati?

²Hayyooti worraa AABBO Waaqafi hayyu inni muude fohateeti garagalte ch'ubbu iti malatte.

³Koota sansalata worraa ufira kunne, mootuma worra jala bana jed'ani.

⁴AABBO Waaqi barch'uma isaa ka gubba ira tae worra koble goyesa.

⁵Duuba inni worrati dallane, dallansu sunini worra mudamsise,

⁶waan jed'u, Anini gaara kiyya qulqullo Sioni gubba yayu hayyu kiyya kaye.

⁷Hayyichi waan jed'u, Anini waan AABBO Waaqi jed'e, biyyati hima. Inni waan nani jed'e, Atini ilma kiyya, anini ya arra abba sii tahe.

⁸Na kad'ad'i, anini gosa lafa keesa jirtu ch'ufa sii kenna. Lafti ch'ufti haguma geetunu tante taati.

⁹Atini ule sibiilatiini worra ch'ach'absite; aka okote faara gargari bulleesita.

¹⁰Ee hayyoota, gorsa kana d'agaya, ee worra lafa fidu, waan kana qalbeefad'a.

¹¹AABBO Waaqa sodaad'a hojad'aafi;

¹²holad'a, isa durati ga jejed'a; aka inni hurre isaniti dallane, isani yoosu indoone. Ayyaana worra AABBO Waaqati d'eete qarqaarsa ira barbaaduti.