Read BORANA BIBLE – KITAABA WAAQA Faaru 32 Bible Online

Faaru 32 - BORANA BIBLE – KITAABA WAAQA bible

Faaru 32

¹ Ayyaana isaati, ka daba isa araaramanifi wollaala isaa biraa deemaniifi.

²Ayyaana isaati, ka AABBO Waaqi womaani inhimanne, ka ammalle kiyyiba womatu inqamne.

³Gaafa anini ch'ubbu tiyya himachu dide, anini guyya ch'ufa bohe nafi na d'umate.

⁴Ee AABBO Waaqa, atini halkani guyya na d'aante, irreeni naraa hobaate, nafa kiyyale, akuma aduuni bona hagayya woi gossitu, na gossite.

⁵Duuba anini ch'ubbu tiyya siti himad'e wollaala kiyya ch'ufa siti mullise waan jed'e, Anini daba kiyya AABBO Waaqati himad'a duuba atini akanaani ch'ufa naa araaramte.

⁶Tanaafi nami si beekhu ch'ufti, yo d'iba qabu, si kad'achu male; hojja bisaani fach'aani gaargali d'ufu, bisaani sunini isa ind'aqabani.

⁷Atini fulla anini iti d'okhad'u, ka gaargala duraa na baaftu, waan atini na qorqoratuufi anini baafama kanke faarsa.

⁸AABBO Waaqi waan jed'u, Anini kara atini deemtu si barsiise, si gorse si qajeelcha.

⁹Aka fardatiifi yokhaani aka gaange indaallaini, ka lugamaafi fuuloni lenjisani harkati deefatani.

¹⁰Ch'ubbichi gaargala ind'abu, ammo nama AABBO Waaqa d'ugeefatu jaalala isaa ta ind'umanneeni qorqoratani.

¹¹Isani worri d'uga, maro waan AABBO Waaqi tolcheteefi gammada qilit'ama. Isani worri isaa saalfatu gammadaa sirba!