Read BORANA BIBLE – KITAABA WAAQA Faaru 35 Bible Online

Faaru 35 - BORANA BIBLE – KITAABA WAAQA bible

Faaru 35

¹Ee AABBO Waaqa, nama nani morkuuni morki, nama na had'u had'i!

²Wonte tante fud'ad'i, kooti na qarqaari.

³Woraanafi d'agara kanke fud'ad'i, kooti, nama na reebu duraa na baasi, lubbu tiyyaani, Anumati si baasa jed'i.

⁴Nama na ijeesu fed'u ha ch'eersani balleesaniti! Nami waan hamtu nati malatu, ha naraa deebie waan tahu wollaaluti!

⁵Hojja malaikaani AABBO Waaqa worra reebdu, worri ha bua buuyo ta bubbeeni fuute fakaatuti!

⁶Karaani worraa ha dukanae much'uch'ate, malaikaani AABBO Waaqaleeni ha worra d'oofte lafa buuftuti!

⁷Worri fayyuma tana t'urura naa mid'aase aka na qabu boolale na qote.

⁸Ammo ato worri imbeenne badiini ha d'ufte worra qabatuuti. T'ururaani worri naa kayeleeni ha worra qabe worra balleesuti!

⁹Duuba anini maro AABBO Waaqatifi gammade, waan inni na baaseefi qilit'ama.

¹⁰Anini garaa kiyya ch'ufaani waan AABBO Waaqaani jed'u, Ee AABBO Waaqa, nami aka keeti injiru; atini nama laafa nama jaba jalaa baafte, hiyyeesale nama isaa dabsu jalaa baafta.

¹¹Nami ch'ubbu qabu d'araani na himate waan hamtu anini imbeenne keesa na buusa.

¹²Dansuma anini worraa tolche worri haalo na fuud'e waan hamtu na tolcha, duuba akanaani anini ufi jibbaad'e waan tahu wollaala.

¹³Ammo yo worri fayyaa d'abe, anini ufi agabse ch'arqi naqad'e, gajed'e,

¹⁴akuma nama jaalafi oboleesa ufitii Waaqa kad'atu kad'ad'eefi. Anini akuma nama haad'a ufiiti bohu, mata gaqabad'e boheefi.

¹⁵Ammo gaafa gaargali na qabate worri ch'ufti gammade, wolti bahe na goyeese; nami anini fuula imbeenne na d'aane, na lakisuu dide.

¹⁶Akuma nama naafa goyeesu, worri na jibbe na miid'e.

¹⁷Ee AABBO Waaqa, atini haga yoomi, ka woma intolchine waan kana ufuma teete ilaalta? Harka worraa jalaa na baasi, nyeench'a kana ch'ufa duraa na baasi!

¹⁸Duuba anini gumi tante durati galata si deebise, nama ch'ufa durati si faarsa.

¹⁹ Nyaapa kiyya, kiyyiba ka tae badi tiyya jed'e qilit'amu, qilit'amu d'owi; nama fayyuma tana na jibbule ka tae maro laalala tiyyati jed'e na miid'u naraa d'owi.

²⁰Worri nagaya indubbatu, ammo nama nagaya qabu waan isaa ka d'araa dubbata.

²¹Worri na himate iyye waan jed'u, Lee! Lee! waan atini taate ya agarre!

²²Ammo, ee AABBO Waaqa, atini waan kana ya agarte, ee Waaqa kiyya, afaani qabatte naraa infagaatiini!

²³Ee AABBO kai na baasi; ee Waaqa kiyya, kooti naa dubbad'i.

²⁴Ee AABBO Waaqa, atini ka d'ugaati, d'uga naa muri; nyaapa kiyya na goyeesu d'owi.

²⁵Worra Nu ya isa balleesine, waan feenu arganne jechu d'owi.

²⁶Nama gaargala kiyya arge gammadu, ha ch'eersani balleesani; nama waan nara jiru ufi sehu ha ch'eeraafi foko d'owani.

²⁷Nami aka d'uga naa murani arguu fed'u ha gammade, guyya ch'ufa iyye waan jed'u, AABBO Waaqi akami gudda! Inni waan hojattuuni isaa hojate argatu iraa gammada.

²⁸Duuba anini d'uga tante odeese halkani guyya si faarsa.