Read BORANA BIBLE – KITAABA WAAQA Faaru 36 Bible Online

Faaru 36 - BORANA BIBLE – KITAABA WAAQA bible

Faaru 36

¹ Ch'ubbicha ch'ubbu garaa isaa keesa jirtuti hasaani; inni Waaqa dide diqole insodaatu.

²Maro inni kiyyiba ufiitiifi ufi olfuud'uufi, inni waan Waaqi ch'ubbu isa arge wollaala iti muru insehu.

³Dubbini afaani isaa keesaa baatu ch'ufti ta ch'ubbutiifi ta d'araa, ammalle inni waan dansa qajeeltu deebie intolchu.

⁴Inni hojja sire gubba ch'iisule waan hamtu malata; wonti inni tolchu tokoleeni dansaaniti, inni waan hamtu tokole indidu.

⁵Ee AABBO Waaqa, jaalalti tante ta ind'umanne gubbale ingeeti; d'ugaani teetileeni dumansale bira dabarti.

⁶D'ugaani tante akuma gaara d'eerati; d'ugaani atini qorte woini murtuleeni haga d'immu baariini gadi fagaati. Namaafi horileeni harkuma kanke keesa jira.

⁷Ee Waaqa, jaalalti tante ta ind'umanne akami dansa! Nu koola kanke jalati nyaapa keenna duraa d'okhanna.

⁸Nu sagale guddo atini nu kennite sooranne; dansuma tante ta aka galaana yaatu d'unna.

⁹Atini madda jireennati, maro ifsa keetitifi nu ifse agarra.

¹⁰Nama si beekhu akuma qara jaalate kaani jaalad'i. Nama d'uga qabule, akuma qara kaani waan d'uga tolchiifi.

¹¹Nama kiyyiba na had'uu d'owi, ch'ubbichale na gussuu d'owi.

¹²Fulla nami hamaani iti jige laali, worri achuma ch'iisa, dandae olinkau.