Read BORANA BIBLE – KITAABA WAAQA Faaru 58 Bible Online

Faaru 58 - BORANA BIBLE – KITAABA WAAQA bible

Faaru 58

¹Isani nami lafa mohatu, dubbi namaa d'uga gula qortani? Nama ch'ufa qajeeluma gula qortani?

²Hiyo! isani hameenna tolchitani ch'alla hereddani. Lafa keesaleti nama d'aantani balleesitani, akasiini wollaala tolchitani.

³Ch'ubbichi haguma d'alate kara iraa gore, haguma garaa haad'aa keesaa bahe d'ara dubbata.

⁴Inni waan aka had'aa bofaa qaba, inni aka jawe gurra duufate,

⁵nama waan bofa beekhu ch'aqasu dide, gurra ufii duufata.

⁶Ee Waaqa, gaade nyeench'a kana ch'ach'absi. Ee AABBO ilkaani kuble isaale bulleesi.

⁷Worri ha aka bisaani fooqate baddu, aka buuyo kara keesa mach'arsani.

⁸Worri ha aka hilqa hoomacha ufii keesa lit'u tahuti; worri ha daima akuma d'alateeni, due ka ifsa inargini, tahuti.

⁹Ato worri imbeekanne aka buuyo haamaani; dallansu isaa hamtu keesa Waaqi, ato worri jiru, afufe balleesa.

¹⁰Nami d'ugaa qajeelani hojja ch'ubbicha gaargalchani ingammada; inni d'iiga ch'ubbichaa keesa deema.

¹¹Duuba nami waan jed'u, Nami d'uga qajeelani waan isaa malle ya argate; d'uguma Waaqati jira, ka lafa wollaala iti muru.