Read BORANA BIBLE – KITAABA WAAQA Mammaasa 10 Bible Online

Mammaasa 10 - BORANA BIBLE – KITAABA WAAQA bible

Mammaasa 10

¹Mammaasi kunini ka Solomoniti: Ilmi qarooni abba gammachiisa daalleeni haad'a garaa yaka.

²Horini atini kara hamaani argate si balleesa, ammo d'ugaani si jireesiti.

³AABBO Waaqi nama d'uga gula deemu beelau d'owa ammo ch'ubbicha waan inni d'araufi ch'ufa ind'owa.

⁴Nami hojate harka ufitini ufi imbulchine inhiyyoomata, ammo ka harka ufitini woi hojatu woi horata.

⁵Nami herega qabu, yo mid'aani bilchaatani mure galcha, ammo nami muyooni herega inqamne, yo mid'aani murani rafe gurra ufi balleesa.

⁶Nami dansaani eeba argata, ammo nami hamaani dubbi afaani isa keesaa baatuni hameenna garaa ufi d'ofata.

⁷Qaabachani nama d'uga qaabatani eeba namaa taati, ammo ch'ubbicha maqaani isaa yoosu lafa iraa bada.

⁸Beekhani gorsa fud'ata, daalleeni afaanuma ufitini bada.

⁹Nami d'uga gula deemu nagaya qaba, ammo nami d'uga gula indeemne hameenni isaa, inuma mullata.

¹⁰Nami d'uga balleesu gaargalani d'ufaa, ammo, ka soda male d'uga diidati gabaasu nagaya barbaada.

¹¹Dubbini nama d'ugaa madda jireennati, ammo nami hamaani dubbi afaani isaa keesaa baatuni hameenna garaa ufi d'ofata.

¹² Jibbi hameennaani d'ufa, ammo jaalalti hameenna d'ossiti.

¹³Nami woi beekhu dubbi qajeeltu dubbata, ammo daalleeni d'aanicha malte.

¹⁴Qarooni qarooma waan ch'ufa qaba, ammo jechi daalle yoosu badiini isati d'ufa.

¹⁵Dureesi horuma ufi d'aabata, ammo hiyyeesa hiyyumati balleesa.

¹⁶Nami waan dansa hojatu lubbu bula, ammo ch'ubbuuni ch'ubbu d'alti.

¹⁷Nami gorsa d'agayu bulti dansa argata, ammo nami wollaala fud'achu diddu gaargala ufitini d'ufa.

¹⁸Nami hameenna garaa qabu d'ossu d'articha, ammo nami dubbi nyaatte dubbatu daalle.

¹⁹Nami dubbi guddatu ch'ubbu ind'abu, ammo nami afaani qabatu qarooma qaba.

²⁰Jechi nama d'ugaa qarsi fakaata, ammo heregi nama hamaa woma keesa injiru.

²¹Jechi nama d'ugaa nama heddu wo baha, ammo daallumti nama ijeefti.

²²Wonti si horsiisa eeba AABBO Waaqati, eeba tana ira, wonti hujiini guddooni si baatu injirtu.

²³Daallee wonti hamtuni inni tolchu tapuma, ammo nami woi beekhu qarooma jaalata.

²⁴Nami qajeelani waan fed'u argata, ammo ch'ubbicha waan inni guddo sodaatuti iti d'ufa.

²⁵Bubbeeni jabduuni ch'ubbicha fuute badiini, ammo nami d'ugaa haga jiru jireenna inchochou.

²⁶Nama laafa woma inguunne, Naa hojad'i jette huji iti inkennini; inni akuma waan kurooftu ilkaani si dilaleesa, yokhaani aka aara ila si gubba.

²⁷Sodaani AABBO Waaqa sodaatani lubbu nama d'eeresiti, ammo bultiini ch'ubbicha ingababati.

²⁸Wonti nami d'ugaa d'aabatu gammadaani d'ufti, ammo ch'ubbichi woma inheregatu.

²⁹AABBO Waaqi nama d'ugaa qorqorata, ammo ch'ubbicha imballeesa.

³⁰Nami d'ugaa fulla iti bahu qaba, ammo ch'ubbichi fulla iti bahu inqabu.

³¹Nami d'ugaa dubbi qajeeltu dubbata, ammo araba waan hamtu dubbatu inkutani.

³²Nami d'ugaa dubbi fakaatu dubbata, ammo ch'ubbichi guyya ch'ufa waan infakaanne dubbata.