Read BORANA BIBLE – KITAABA WAAQA Mammaasa 17 Bible Online

Mammaasa 17 - BORANA BIBLE – KITAABA WAAQA bible

Mammaasa 17

¹Nama nagayaani qit'a gogeesa nyaatuti, nama mana ufi keesati jila tolfate, jila suni keesati woldidu, ira jira.

²Tisseeni woi beetu ilma seseega woma inguunne mohate, oboleyaani isaa woliini hori d'aalti.

³Worqifi qarsi ibidaani bassani ilaalani, AABBO Waaqileeni akasuma garaa namaa laala.

⁴Nami hamaani waan hamtu ch'aqasa, kiyyibaleeni kiyyiba ch'aqasa.

⁵Nami hiyyeesa koblu nama Waaqa isa uume tufatu; nama badi nama d'ibi fed'u, ufile badi inhanqatu.

⁶Akuma ilmi abba ufitini khooru, nami jaarelleeni akhakhowani ufitini khoora.

⁷Dubbini dansaani daalle infakaatu, kiyyibileeni nama gurra qabu infakaatu.

⁸Nami nama gumbeesu, waan nama suni falfale waan fed'u ch'ufa ira argatu ufi seha.

⁹Nami wollaala biraa namaa deemu nama nagaya barbaadu, ammo nami haalo fuud'u nama waan hamtu barbaade jaalani ufileeni wold'abuni.

¹⁰Nami wo beekhu jecha tokooni wo barata, ammo daalle uleeni d'ibba tokoleeni woi imbarsiiftu.

¹¹Nama ch'ubbicha waan hamtu barbaadu, waan hamtu isa ijeesa iti ergani.

¹²Fulla nama daalle tae waan aka injirre hojatu argani, nama gorjama ilmaani jala fit'ani arguti ira jira.

¹³Yo nami waan dansa waan hamtuni deebise, hameenni haguma jiru mana isaa keesaa imbahu.

¹⁴Woldidaani nami qara woldidu haro ch'abt'e fakaati; tanaafi arifad'i dubbi suni qabaneesi.

¹⁵AABBO Waaqi nama nama d'uga gula deemu dabsufi yokhaani nama nama hama baasule diqole infed'u.

¹⁶Horini woi barachaa jed'ani daalleti baasani, ka inni ufiftu qalbi inqamne, mali baha?

¹⁷Jaallowaani yo ch'ufa woli jaalati. Oboleesi, yo atini gaargala qabdu si inqarqaare, oboleesa maani?

¹⁸Namuma qalbi inqamne ch'allati gati nama d'ibi fuud'e ufira kaya.

¹⁹Nami woldida fed'u ch'ubbu barbaada. Nami guyya ch'ufa ufi saadu d'iba ufiti barbaada.

²⁰Nami waan hamtu herege woma hamtu dubbatu badi male waan dansa inargatu.

²¹Ilmi daallichi abba booche garaa yaka.

²²Gammadi fayya sii kenna, ammo miira hameenni nafa si nyaata.

²³Jaarsi ch'ubbichi d'ossani gumbo fud'ate, akasiini d'ugaani badi.

²⁴Nami woi beekhu qarooma ch'alla gula deema, ammo daalleeni waan toko ch'alla ira inteetu, oluma gadi mara.

²⁵Ilmi daalleeni abba booche haad'a garaa yaka.

²⁶Nami woma iyyakini ka karra mataa iti murani daba; nami d'uga gula deemu ka d'ananileeni diqole dansaaniti.

²⁷Nami wo beekhu waan ufi hojja ch'ufa tae indubbatu. Nami hubacha qabu lafumaa kae akanumati indubbatu.

²⁸Daalleleeni, yo afaani qabate ch'alifte teetu nama wobeekhu sehani.