Read BORANA BIBLE – KITAABA WAAQA Mammaasa 19 Bible Online

Mammaasa 19 - BORANA BIBLE – KITAABA WAAQA bible

Mammaasa 19

¹Hiyyeesa ch'ubbu inqamneti daalle kiyyibdu ira gooma.

²Nami hubacha inqamne ka woi owisu dansaaniti; hifanooti kara ira si gorse si balleesa.

³Nami gari daalluma ufitini ufi balleese, duuba AABBO Waaqa haalata.

⁴Dureesi guyya ch'ufa jaala heddu darata, ammo hiyyeesi takacha qara qabule ind'aba.

⁵Nami kora keesati d'ara dubbate gati iti murani jalaa imbahu.

⁶Nami ch'ufti nama guddinna qabu sosobe durati ufi mid'aase akasiini naasifata; nami ch'ufti jaala nama namaa nahu tau fed'a.

⁷Hiyyeesa oboleyaani isaleeni infeetu, jaalani isaleeni hagasi ira jibbiti. Inni ato waan fed'u tahele jaalani inargatu.

⁸Waan dandeetu barad'i, akasiini ufi qarqaari; duuba waan baratte suni qaabad'i, hormaatati baata.

⁹Nami kora keesati d'ara dubbate akasiini gati iti murani tokoleeni jalaa imbahu, inuma bada.

¹⁰Daalleeni machi keesa bulu himmalle, tisseleeni balcha mohachu himmalle.

¹¹Yo atini nama qalbi qabu taate miira guddata. Yo nama siti wollaale biraa deemteefi, ya waan dansa taate.

¹²Dallansuuni hayyuu itansu nyeench'a fakaati, ammo naasuuni isaa akuma bokaya roobuti.

¹³Ilmi daallichi abba ufi balleesa. Niitiini d'ibditini, hojja ch'ufa lola deemtu, akuma d'impu bokaya d'impifti.

¹⁴Nami abba ufi ira manafi horile ind'aala, ammo niiti wo beetu AABBUMA Waaqati kennafi.

¹⁵Yo huji hojachu baate ufiraa rafte, ufuma beelaani ufi geeta.

¹⁶Nami seera Waaqa guutu lubbu bula, ammo ka inguunne indua.

¹⁷Nami hiyyeesa wo kenne ya Waaqa wo kenne, AABBO Waaqileeni waan inni kenne suni inuma deebisaafi.

¹⁸Ilmaani tante ato isiini didiqootu qajeelchi, adaba dansa barsiisi, yo akasi tolchu baate isiini hammaatte badi.

¹⁹Nami miira diqaate woma isaa male argata. Yo atini guyya toko gaargala keesaa isa baafte inni ammalle ituma deebia.

²⁰Yo atini gorsa fud'atte wo baratte, takaa tana qaroo taata.

²¹Nami garaa ufi keesaa mala heddu qaba, ammo fed'uma AABBO Waaqati taha.

²²Nami waan ee jed'e fud'ate iraa gargalu himmalle; hiyyeesileeni kiyyiba ira gooma.

²³Sodaani AABBO Waaqa sodaatani nama jireesite, quubsite hameenna iraa d'owarti.

²⁴Nami gari laafe bade, sagale garaati nyaatule afaani keeyachu dad'aba.

²⁵Kiyyiba d'aani, akasiini nami woma imbeenne ira wobarata. Nama wobeekhu gorsi, aka inni beekha daratu.

²⁶Namuma ch'eera foko inqamneti abba ufi d'aane haad'ale worra keesaa baasa.

²⁷Ilma kiyya atini yo wo barachu didde, waan qara barateele inwolalta.

²⁸Nami d'ugaa yaamatani, ka d'ara dubbatu, d'uga balleesa. Ch'ubbichi hameenna mieefate gula deema.

²⁹Daalle kiyyibdu d'aananiti wollaala iti murani.