Read BORANA BIBLE – KITAABA WAAQA Mammaasa 2 Bible Online

Mammaasa 2 - BORANA BIBLE – KITAABA WAAQA bible

Mammaasa 2

¹Ilma kiyya, waan anini si barsiisu barad'i, waan anini siti himu qalbeefad'i.

²Dubbi qarooma ch'aqasi, aka dansa hubad'i.

³Ee, hubacha kad'ad'u, qalbi barbaadi.

⁴Akuma qarsifi hori d'ossani barbaaddu, aka dansa qaroomale barbaadi.

⁵Duuba yo akasi barbaadde, atini aka AABBO Waaqa sodaatani hubate waan Waaqa ch'ufa barata.

⁶Nami qarooma namaa kennu AABBO Waaqa, isa iraa beekhaafi hubachaani baati.

⁷Inni nama d'ugaa qajeela tisse qorqorata.

⁸Inni nama nama indabsine qorqorate nama isa jaalate gula deemu tissa.

⁹Yo atini na ch'aqafte, atini nama d'ugaa qaajeela nama indabsine taata. Duuba akanaani waan tolchu malte beeta.

¹⁰Ammalle qaro taate, hubachaani tante suni gammada sitiini d'ufti.

¹¹Qaroomafi hubachaani tante si qorqorate

¹²waan hamtu tahu si d'owarti. Isiini nama nama dubbini wolti yaku iraa si fageesiti —

¹³nama kara d'ugaa lakise dukana daba keesati bulufi

¹⁴nama hameenna tolche ira gammade waan hamtu woma isaa imbaanele jaalate gula deemu,

¹⁵nama d'articha, kara hama gula deemu, ka nami tokoleeni dandae ind'ugeefanne.

¹⁶Akanaani atini niiti daru, afaanuma ufitini nama faraatu,

¹⁷ta d'iirsa insaalfanne, ta ammalle aada duri keesati fuud'ani gula indeemne duraa baata.

¹⁸Yo atini mana isiiti deemte, atini ya kara dua deemte. Nami achi d'aqu nama fulla ekhera d'aqe.

¹⁹Nami fulla isi d'aqe deebie kara jireennati indeebiu.

²⁰Tanaafi atini akheekha nama d'ugaa gula deemi, kara d'ugaa keesa fidami.

²¹Nami d'ugaa qajeelani lafa teenna tana keesa taa,

²²ammo Waaqi worra daba lafa keesaa balleese, nama ch'ubbule aka mukha lafa keesaa buqisa.