Read BORANA BIBLE – KITAABA WAAQA Mammaasa 24 Bible Online

Mammaasa 24 - BORANA BIBLE – KITAABA WAAQA bible

Mammaasa 24

¹Ch'ubbicha halchite jaala intolfatini

²worri woma hamtu tolchu ch'alla herega; dubbini afaani worraa keesaa baatu ch'ufti ta nama wo tolchitu.

³Mana qaroomafi beekhani yayabani jaarani.

⁴Nami wo beekhu mana ufi miha dansa iti biteti sunini ch'okha.

⁵Nami qarooma qabu nama jaba, irre qabu, ira jira, nami beekha qabuleeni nama jaba ira jira.

⁶Wonti akanatiifi atini ato duula indeemne mariachu malte, ammalle gorsi hedduuni atini nama ira argatu nyaapale si dabsachiisa.

⁷Daalleeni haguma jirtu jecha qaroo inhubattu. Isiini gaadisa kora keesaleti beete woma indubbatu.

⁸Nama hojja ch'ufa waan ch'ubbu malatu, d'ibdicha jed'aniini.

⁹Daalleeni ch'ubbu male woma inhereddu, namileeni nama nama tufatu injibba.

¹⁰Yo d'ibi siti d'umannaani atini ufi jibbaate, atini laafa dua.

¹¹Nama dabaani ijeechaa geesani lubbu baasi, insodaatini.

¹²Ato atini, wonti kunini huji tiyyaniti anini keesa imbuu jettele, Waaqi ka herega nama ch'ufa beekhu waan suni inargu? Inni qara siuma eeguu jira, waan kanke ch'ufa imbeekha, inni duuba woma atini tolchitu gula waan sii male si tolcha.

¹³Ilma kiyya, dammi waan dansa, nyaad'i. Akuma dammi miae qunt'ulau,

¹⁴akasuma qaroomileeni woi sii baha. Qarooma barbaadi, duuba wonti ch'ufti sii tolti.

¹⁵Aka ch'ubbicha malate mana nama d'ugaa ch'abse saamatu intahini.

¹⁶Nami d'ugaa ato maro heddu jigele inuma kaa; ammo ch'ubbichi inuma bada.

¹⁷Yo nyaapi kanke gufate jige gaargala keesa seenu ingammadiini.

¹⁸Yo waan akasi sunii jette, qilit'amte, AABBO Waaqi hegeri herega kanke beekhe, si jibbe, nama kaani lakisa fa.

¹⁹Nami ch'ubbu yaada si inargini, yokhaani worrale inhalchini.

²⁰Ch'ubbichi boro inqabu, waan d'aabatule inqabu.

²¹Ilma kiyya, AABBO Waaqa sodaad'i, hayyule saalfad'i. Nama worra kana lamani didu, wahela tolfatte gula indeemini;

²²worri akasi suni yoosu bada. Atini aka Waaqafi hayyuuni dandaani si balleesani diqole inhereddu?

²³Jecha kanale worruma qarooti jed'e: Jaarsi gaadisa kora keesati dubbini nama ira ch'iisu dansaaniti.

²⁴Yo inni nama wollaala qabuuni, wollaala inqabdu jed'e, nami ch'ufti isa jibbe isa abaara.

²⁵Ammo jaarsi nama wollaala qabu wollaala iti muru eebaafi gurra dansale argata.

²⁶Nami d'uga siti dubbatu jaala kanke ka d'ugaati.

²⁷Haga oobru qotate aka dansa mid'aafate waan iraa nyaatu argattuti mana injaaratini.

²⁸Fayyuma tana d'uga namaa baate waan nama d'ibi indubbatini, yokhaani hamtu tokole indubbatini.

²⁹Ammalle Anini woma inni naa tolche isale tolche, akasiini haalo baafad'a, injed'ini.

³⁰Anini oobru mid'aanitifi ta zabibu, ta namicha laafa daallicha tokotini d'aatu bahe,

³¹oobru suni ta mukha qoraati baafte, haramani badde, d'akhaani isiini marsani jaaranileeni ch'ufti jige arge.

³²Anini akanumati eje, oobru suni ilaale herege, ira woi barad'e.

³³ Duuba waan jed'e, yo feete hochisi rafi, harka marad'i, ufiraa tai.

³⁴Ammo ato atini raftu, hiyyumti d'ufte aka shifta si haati.