Read BORANA BIBLE – KITAABA WAAQA Mammaasa 31 Bible Online

Mammaasa 31 - BORANA BIBLE – KITAABA WAAQA bible

Mammaasa 31

¹Kunini jecha haati Lemueli isaani jette:

²Ilma kiyya bad'aaso, ka kad'a tiyya gula Waaqi naa kenne, me, amma maani siti hima?

³Nad'eeni gula deemte irre tanteetifi hori kanke imballeesini: nad'eeni hayyoota heddule balleesite.

⁴Lemueli, na ch'aqasi, hayyooti sila daad'i d'udde farsoo d'arau himmalle.

⁵Worri yo d'uge machau, seerale ded'e hiyyeesale dabsa.

⁶Farsoni waan nama duu jirufi nami gaargala qabu d'ugu.

⁷Ha worrumaani d'uge hiyyumafi gaargala ded'uuti.

⁸Nama ufii dubbachu indandeenne dubbad'u, hiyyeesa laafale qorqorad'i.

⁹Worraa dubbad'i, dubbi worraa d'uga gula qori aada worraa badi d'owi.

¹⁰Niiti adaba dansa qabdu argachani guddo jabdu! Isiini faaya ch'uch'uluqa naqatanile ira dansa.

¹¹D'iirsi isii d'ugeefata, waan horatule ind'abu.

¹²Isiini haga jirtu ch'ufa isa qarqaarti, waan dansa male waan hamtu isa intolchitu.

¹³Isiini nama guddo harkaani woi mid'aasu beekhu, ka woya booftatifi woya dabasa ree ira mid'aasanile d'au beekhu.

¹⁴Isiini akuma hobolo daldaltu ta lafa fagooti sagaleeni d'uftu, lafa fagooti sagaleeni d'ufti.

¹⁵Isiini ganamaa kaate sagale worra isiiti d'aabde, dubra isii hojatule huji garsiifti.

¹⁶Isiini lafa oobru laalte bitatti, beese daldala keesa argateeni zabibu fach'aafatti.

¹⁷Isiini mart'ifate jajabaate hojatti.

¹⁸Isiini waan mid'aasitu ch'ufa aka keesaa woi argattu imbeeti, tanaafi halkanile ifse bobeesite hojatti.

¹⁹Isiini liilana foote woyaani mid'aasiti.

²⁰Isiini arja, hiyyeesafi nama laafale ch'ufa wo kennitifi.

²¹Isiini d'aamochale insodaatu, wonti akanatiifi worra isii ch'ufa ya woya d'aamocha d'owartu mid'aasite.

²²Isiini woya sire mid'aasite, woya boofta bule diimtule hid'atti.

²³D'iirsi isiileeni jaarsa, lafa suni ch'ufa keesa gurra qabu.

²⁴Isiini woyaafi gurdale mid'aasite daldaltuti gurgurti.

²⁵Isiini jabduu, ammalle guddo gurra dansa qabdi waan bori iti d'ufale insodaatu.

²⁶Isiini qaro, ammalle guddo namaa naati.

²⁷Isiini hojja ch'ufa guddo hojatte, worra ufile jabeesite qorqoratti.

²⁸Ijoolleeni isiileeni isii eebifti, d'iirsi isiileeni isii faarse.

²⁹Waan jed'u, nad'eeni hedduti dansaani jira, ammo ch'ufa siti ch'alla.

³⁰Dansumti nama sobdi, mid'aagumtileeni inhobaati, ammo niitiini AABBO Waaqa sodaatu waan faarsani.

³¹Huji isi owisifi gumi duraleeti ha isi faarsani.