Read BORANA BIBLE – KITAABA WAAQA Mammaasa 4 Bible Online

Mammaasa 4 - BORANA BIBLE – KITAABA WAAQA bible

Mammaasa 4

¹Ilmaani tiyya waan abbaani keesani isaniti himu ch'aqasa, jabeesa gula deema, iraa woi barad'a.

²Wonti anini isani barsiisu jiru ch'ufti dansa, illakisina, gula yaa.

³Gaafa anini ijoolle, ka abbaani kiyya anuma ch'alla qabu,

⁴aabbooni na barsiise waan jed'e, Dubbi tiyya qaabad'i, jabeesi gula deemi, duuba injiraata.

⁵Qaroomafi hubacha argad'i, dubbi tiyya deete iraa ingorini.

⁶Qarooma illakisini inni si qorqorata; isa jaalad'i, inni si tissa.

⁷Qaroomi waan ch'ufa ira jira, barbaadi, iti bahi. Ato waan d'ibi d'abdele hubacha argachu malte.

⁸Qarooma jaalad'i, inni gurra siti tolcha, iti mamarad'i, inni guddinna sii kenne,

⁹sure guddinna sii taha.

¹⁰Ilma kiyya, yo na ch'aqafte lubbuuni tante ind'eerati.

¹¹Anini yayu qaroomafi kara dansa atini keesati bultu si barsiise.

¹²Yo atini qarooma qaabate woni kara keesa si dura eja injirtu, yo atini utaatule wonti atini iti gufatu injirtu.

¹³Guyya ch'ufa waan barate qaabad'i, wonti sunini lubbu teeti aka dansa tissi.

¹⁴Kara ch'ubbichi bahu imbahini, yokhaani waan worri tahu tokole intahini.

¹⁵Intolchini, waan hamtu iraa fagaad'i, didi, biraa deemi.

¹⁶Nami ch'ubbu haga waan hamtu tolchuti imbulu, haga nama woi tolchuti hiribi inqabu.

¹⁷Nyaatafi d'ugaatini worraa hameennaafi woldida.

¹⁸Karaani worra d'ugaa akuma biiftu ganama ifsa, ta haga lafti guyyatuti ifsuma ifsitu.

¹⁹Ammo karaani worra hama dukana aka halkaniti, ka nami keesati jigu waan isa buusu imbeenne.

²⁰Ilma kiyya dubbi tiyya ch'aqasi, jecha kiyya gula deemi.

²¹Ufira infageesini, qaabad'i, qalbi keesa keeyad'i.

²²Isiini nama hubatu ch'ufa fayyaafi jireenna kennitifi.

²³Waan ch'ufa ira, herega kanke tissi, wonti akanatiifi heregi kanke suni madda jireenna sii taha.

²⁴D'ara indubbatini, kiyyibafi soba iraa fagaad'i.

²⁵Ch'eerte mata gadi inqabatini, qajeeli, ufi dura laali.

²⁶ Waan tolchitu ch'ufa malaani tolchi, duuba hujiini tante ch'ufti imid'aadi

²⁷mirgaafi bitale ingorini, hameenna lagad'i, qajeeli deemi.