Read BORANA BIBLE – KITAABA WAAQA Mammaasa 8 Bible Online

Mammaasa 8 - BORANA BIBLE – KITAABA WAAQA bible

Mammaasa 8

¹ Ch'aqasa! Qaroomi nama yaamu jira. Hubachaleeni lalabu jirti.

²Qaroomi gaara gubbati bahe, kara keesa eja, fulla woldeenna kara.

³Fullo dira keesa d'aatu balbala eje lalabe waan jed'u,

⁴Nama lafa keesa jiru ch'ufa, anini isani yaama.

⁵Isani ka woma imbeenne, woi barad'a; isani daalle, qalbi horad'a.

⁶Dubbi tiyya qajeeltu d'agaya; wonti anini isaniini jed'u ch'ufti waan d'ugaati.

⁷Dubbini afaani kiyya keesaa baatu ch'ufti d'uga, wonti anini jibbu dubbi d'araati.

⁸Wonti anini jed'u ch'ufti d'uga, wonti d'ara, ka kara iraa nama gorsa, tokoleeni keesa injirtu.

⁹Nama hubacha qabu, wonti ch'ufti indiidofti, nami wo beekhu fagootu wohubata.

¹⁰Fulla qarsi fud'attu gorsa kiyya fud'ad'i, fulla worqi fud'attu beekha kiyya fud'ad'i.

¹¹Qaroomi ana, anini faaya ch'ululuqa ira, jira. Wonti nami fed'u tokoleeni ka anaani wolbira qabani injirtu.

¹²Qaroomi ana, anini hubachale inqaba; ammalle beekhaafi qalbile inqaba.

¹³Ch'ubbu jibbitiini AABBO Waaqa sodaacha, anini kiyyibafi ufi saadu jibba. Ammalle waan d'araatifi kara hama infed'u.

¹⁴Anini mala d'aad'e, mala suni hojad'a; anini hubachaafi irreele inqaba.

¹⁵Hayyootileeni anaani lafa mohate, jaallabileeni anini dubbi mura.

¹⁶Qarqaarsa kiyyaani nami lafa fidu fide, jaaroleeni lafaleeni anaani dubbi murti.

¹⁷Anini nama na jaalatu jaalad'e, nami na barbaaduleeni na arga.

¹⁸Anini dureesa gurra qabu, anumati hormaatafi bultuma namaa kenna.

¹⁹Wonti nami naraa argatu worqifi qarsi dansa ch'ufa ira jirti.

²⁰Anini kara d'ugaa gula deema, daandi qajeeluma iraa ingoru.

²¹Anini nama na jaalatu horsiise mana worrale waan dansaani guuta.

²² AABBO Waaqi qaraa fiit'e na uume, wonti qara ka inni mid'aase ana.

²³Qaraa fiit'e, ato lafale inuuminu, na uumani.

²⁴Baariinifi madda bisaani ch'ufa durati anini d'alad'e.

²⁵Gaareenifi kubilele ch'ufa anumati dura jira.

²⁶Ato Waaqi lafafi arda oobrutifi biyyele inuumini anini d'alad'e.

²⁷Anini gaafa inni gubba dirirse, muumme waaqafi lafa fulla isiini baariinini wolti ejituti d'aabe, dumansale mid'aase burqa baariini bane, bisaani baariinile haga inni iti seere dabru d'owe, lafuma jira. Gaafa inni lafa yayabele anini artuma jira.

³⁰Anini huji suni keesale akuma ogeesa isaa wahelche. Gammadi isaa ka guyya ch'ufa naraa baha, aninileeni hojja isa woliini jiru ingammada.

³¹Wonti anini iraa gammadu lafafi nama isi keesa tau.

³²Ilmaani tiyya, amma na ch'aqasa, dubbi tiyya jabeesa, duuba gammada argatani,

³³waan isani barsiisani ch'aqasa, qalbeefad'a, jabeesa.

³⁴Nami ch'aqasu, ka hojja ch'ufa mana kiyya dura eje balbala keesati na eegu, gammada argata.

³⁵Nami na argate ya jireenna argate, nami akasi suni eeba AABBO Waaqa iraa argata.

³⁶Nami na d'abe ya ufi balleese, ka na jibbuleeni dua jaalata.