Read BORANA BIBLE – KITAABA WAAQA Mammaasa 9 Bible Online

Mammaasa 9 - BORANA BIBLE – KITAABA WAAQA bible

Mammaasa 9

¹Qaroomi yayu mana jaarate utuba torbaani utube.

²Inni yayu hori qale jila tolche, daad'ile waan urgeesanini iti naqe, sagale gololaa kurfeese.

³Inni dubra isa hojatu yaame, beena, dira keesa yaa, kubi kora,

⁴koota, isani nami woma imbeenne, jed'aani. Ammalle nama daalleleeni waan jettani,

⁵Koota, sagale tiyya nyaad'a, daad'i anini urgeese d'uga.

⁶Nama woma imbeenne biraa yaa, jireenna argad'a; kara hubacha gula yaa.

⁷Nami kiyyibaa gorsu araba argata. Nami nama hama gorsu d'aanicha argata.

⁸Kiyyibaa ingorsini, yo gorsite inni si jibba. Ammo yo qaro gorsite, inni si jaalata.

⁹Wonti atini nama qarooti himtu ch'ufti qarooma dartifi. Wonti atini nama qajeelati himtu ch'ufti beekha isa darti.

¹⁰Yo qarooma argachu feete qara AABBO Waaqa sodaad'i, yo hubacha argachu feete, Waaqa qulqullo beekhi.

¹¹Qaroomi lubbu si d'eeresa.

¹²Yo qarooma qabaatte nami inni woi bahufi si, ammo yo isa didde nami gaargalu siuma.

¹³Daallumti niiti daalliti ch'eera inqamne ta lalabaa deemtu fakaati.

¹⁴Isiini balbala mana isii dura teete yokhaani barch'uma fud'ate kubi dira suni gubba teete,

¹⁵nama ufuma huji ufi yau, ka waan biyya keesa injirre, yaamte waan jettuuni,

¹⁶Jara woma imbeenne kana koota; ammalle daalle yaamte waan jettuuni,

¹⁷Bisaani hanna miao, qit'aani hannaleeni qit'a ch'ufa ira dansa.

¹⁸Nami isiini yaamtu kunini, aka nami gara isii yau badu, imbeekhu. Ammalle, aka nami qara duraani mana isii suni olseenu due boola keesa jiru, imbeekhu.