Read BORANA BIBLE – KITAABA WAAQA Abba herega 1 Bible Online

Abba herega 1 - BORANA BIBLE – KITAABA WAAQA bible

Abba herega 1

¹Tunini dubbi Abba Herega, ilma Daudi, ilma hayyu Yerusalemu.

²Abbaani Herega waan jed'e, Jireenni waan woma namaa imbaane, waan woma imbaane. Inni diqole woma imbahu.

³Nami yo jireenna ufi ch'ufa hojate d'ibamu, hujiini suni maal baati?

⁴D'alooti d'ufe ammalle dabra, ammo lafti injijiramtu.

⁵Aduuni baate d'iite, ammalle marte baati.

⁶Qilleensi bitaa d'ae, mirgaa d'ae, mare gadeebia.

⁷Galaani ch'ufti baariiniti yaa, ammo baariinini inguutamtu. Bisaani fulla galaani gabahufi yaani, deebiani ammalle gadi baafatani.

⁸Wonti ch'ufti nama dad'absiifti — waan nami dandae dubbatuuniti. Ilti waan agartu inquuftu; gurrileeni waan d'agayuuni inguutamu.

⁹Wonti qara tahe ammalle inuma taati. Waan qara tolchani ammalle inuma tolchani. Wonti tokoleeni haareetiini lafa keesa injirtu.

¹⁰Waan jed'ani, Wonti kunini haareeti, laali! Ammo wonti sunini woma ato nuleeni ind'alatini jiraati.

¹¹Waan duri dabre nami qaabatu injiru, ammalle waan takaa tana tahale nami eege d'ufuleeni inqaabatu.

¹²Anini, Abbaani Herega, duri hayyu Israeli ka Yerusalemu tau.

¹³Anini kutad'e, Waan lafa tana gubbati tolchani ch'ufa qalbeefad'e laale barad'a jed'e. Waaqi haga jiru jireenna yayu gaargala nama ira kaye.

¹⁴Anini waan lafa tana irati tolchani ch'ufa yayu arge, woma keesa injirtu, seeruma nama qilleensa gussuuti.

¹⁵Waan dabe dandaani inqajeelchani, ammalle waan injirre dandaani inhedani.

¹⁶Anini waan ufiini jed'e, Anini ya nama qaro jaba, hayyu Yerusalemu mohate ch'ufa ira jiru, tahe. Anini qaroomafi beekhuma inqaba.

¹⁷Anini kutad'e, beekhumafi daallumafi qaroomafi maraatu gargari barad'a jed'e, ammo hubannaani aka nama qilleensa gussu ufi arge.

¹⁸Akuma qaroomi guddattuuni, heregileeni guddata, akuma beekhumti guddattuuni gaargali guddata.