Read BORANA BIBLE – KITAABA WAAQA Abba herega 4 Bible Online

Abba herega 4 - BORANA BIBLE – KITAABA WAAQA bible

Abba herega 4

¹Jennaani anini laale, aka lafa tana keesa nami dabsani, ka nama qarqaaru inqamne tae bohu, arge. Nami tokoleeni worra inqarqaare, waan nami worraa dabsu suni irre worra ira qabuufi.

²Anini nama due dabre halcha; worri sunini nama jiru ira milki qaba.

³Ammo worra suni ch'ufa ira nama d'aloota ooleti ira jira, ka daba lafa tana keesa jiru taka inargini.

⁴Ammalle waan anini arge, wonti biyyiti guddo hojattufi, maro halcha nama d'ibitifi. Ammo tunileeni woma imbaatu, seeruma nama qilleensa gussuuti.

⁵Waan jed'ani, Nama daalleti harka mamarate tae beelaani ufi ijeesa.

⁶Ammo ato akasile taate, waan diqo qabani, ka yaado bira inqamneti, waan harka lamaaniini hojja ch'ufa akuma waan qilleensa qabani hojatani ira gooma.

⁷Anini ammalle waan woma keesa injirre d'ibi lafa keesati ya arge.

⁸Fakeenna, namicha tokoti jira, ka kobaa galu, ka ilmaafi oboleesale inqamne, ammo ka halkani guyya hojate waan guddo argate sunile inquumne. Inni eenu jed'e waan kana ch'ufa hojate machi ufi d'owa? Tunileeni woma imbaatu, finna hama toko ka nami keesati fidamu.

⁹Hujiini nama lama ta nama toko ira wo namaa baati.

¹⁰Yo toko jige kaanti qarqaare olkaasa. Ammo yo nami wahela inqamne jige, nami isa olkaasu injirre, akanaani inni guddo gaargala qaba.

¹¹Yoyu lafti d'aamote, nami lama woliini rafe wolti owifata, ammo ka kobaa rafu maanti owisaafi?

¹²Nami lama had'iisa nama toko dabsate ufira d'owa. Funno museensa sadiini d'aani aka tabaati inkutani.

¹³Nami hiyyeesi dandae hiyyuma keesaa bahe hayyu lafa ufi taha, yokhaani hid'aansa keesaa bahe nama lafa fidu taha; ammo hojja inni jaaruma isaa keesa daallae gorsa namaa didu, inni hiyyeesa kaima, ka qalbi qabu, ingahu.

¹⁵Anini waan nama lafa tana keesa jiru ch'ufa herege jennaani aka worra kana keesa nami kaima toko, ka huji hayyu iraa fuud'u jiru arge.

¹⁶Nami hayyuuni fidu hegeri muumme inqabu, ammo yo inni lubbu d'abe nami waan inni tolche qaabate galata deebisuufi injiru. Tuninileeni woma imbaatu, seeruma nama qilleensa gussuuti.