Read BORANA BIBLE – KITAABA WAAQA Faaru solomoni 2 Bible Online

Faaru solomoni 2 - BORANA BIBLE – KITAABA WAAQA bible

Faaru solomoni 2

¹Anini daraara Sharoni, ammalle liike bale gaara keesati baatu.

²Nad'eeni keesa bad'aasoni tiyya akuma liike qoraati keesati baatu jirti.

³Bad'aasoni kiyya yo d'iira d'ibiini wolbira qabani akuma mukha mapeera ka badda ke jiru jira. Anini gaadisa isaa jala boqochu fed'a. Mid'aani isaaleeni nati miyaani.

⁴Mana isaa ka jilatini na d'ufe jaalala isaa aka bandera nara d'aabe.

⁵Mid'aani zabibutini irre nati deebisi, mapeerani na quubsi! Jaalalti te ya na laafifte.

⁶Inni harka bitaachani mataa na saabe mirgichani na hoonse.

⁷Nad'eeni Yerusalemu, hiddifi guguftoni nati kakhad'a aka isani jaalala teenna keesa imbuune.

⁸Anini qonqo bad'aaso kiyya d'agaya. Inni gaareeni ira utaale kubile gubbaa nati gach'ea.

⁹Bad'aasoni kiyya aka korma hiddi jira. Mana d'aatu eje qaani na milate na daawate

¹⁰na dubbisa. Kooti me, bad'aaso tiyya ta anini jaalad'u, nati gadi kooti.

¹¹Adolesi ya dabre, bokeenileni ya ch'aame;

¹²mukhileni ch'ufti ya hobore. kuni bara sirbati, sabalisileeni raasa keesaa sirba.

¹³Mid'aani oda ka qara bahuti jirani, daraaraani zabibuleeni ya urgaani lafa guute. Kooti me, bad'aaso tiyya ta anini jaalad'u nati gadi kooti.

¹⁴Atini akuma sabaliisa baqaqa d'akha keesati d'okhatu jirta. Fuula kanke mid'aaga na garsiisi, qonqo tante laayo na d'ageesisi.

¹⁵Geedala qabi, geedala didiqo qabi, ato isiini oobru teenna ta zabibu ta bau jirtu imbalesine.

¹⁶Bad'aasoni kiyya kiyyuma, anileeni tauma isaati. Inni ree ufi liike keesa tissa.

¹⁷Haga qilleensi bari d'ae dukanti badde lafti bariituti, bad'aaso kiyya, nati gadi deebii, aka hiddi yokhaani aka korma gugufto, ka gaara Betheri ira deemu.