Read BORANA BIBLE – KITAABA WAAQA Faaru solomoni 7 Bible Online

Faaru solomoni 7 - BORANA BIBLE – KITAABA WAAQA bible

Faaru solomoni 7

¹Atini akami mid'aada! Faanti tante akami kobe keesati mid'aadi! Gudeedi kanke qunqumaani waan ogeesi harkani mid'aasu fakaata.

²Hand'urti tante aka qori daad'i bookhaa keesa ind'amme jirti. Hid'aani kankeleeni qalla lawe dargaye liike keesani baatu fakaatu.

³Guntuti kanke t'it'ilo, aka gaafa hiddi ejaanju.

⁴Mormi kankeleeni lookho aka ilka arbaa. Ilti tanteleeni aka bisaani haro Heshboni, ta d'aatu fullo dira gudda suni jirtu bibilit'i. Fuunaani kankeleeni aka mana doofi, ka Lebanoni, ka kara Damaski dura eju jirani.

⁵Matani kankeleeni aka gaara Karmeli olqajeela, ch'ibri isaaleeni ch'ululuqa, mid'aagumati isaa hayyu deemu d'owarti.

⁶Atini akami mid'aadu shagga, jaalalti tante guddo na quubsite.

⁷Atini d'eerate aka meet'i daat'a, guntuti kankeleeni mid'aani qoone fakaata.

⁸Anini waan jed'e, meet'i suni kore, qoone iraa buqifad'a. Guntuti kanke mid'aani zabibu nati fakaate, hafuuri kankeleeni aka mid'aani gadda nati urgaa.

⁹Afaani kankeleeni aka daad'i, daad'i ch'ufa ira dansa nati miaani. Yoosi daad'iini ha jaala kiyyati yaatuti, hid'i isaatifi ilkani isaale iraa.

¹⁰Anini ta jaala kiyyati, innileeni na jaalata.

¹¹Kooti, bad'aaso kiyya, alati yaane halkani ollowani keesa bulla.

¹²Ganama lafaa kaane, zabibu aka isiini baate taani laalla, ammalle aka daraaraani babaqafatefi aka mukeeni okhoku daraarte taani laalla, achiti duuba jaalala tiyya si garsiise ufiti si gad'iisa.

¹³Atini foole mukha qorsa toko suufte mid'aani dadansa d'aatu mana keennati agarta. Bad'aaso kiyya, anini waan si gammachiisa ka duritifi ka ammalle ya oli sii kaye.