Read BORANA BIBLE – KITAABA WAAQA Isaya 53 Bible Online

Isaya 53 - BORANA BIBLE – KITAABA WAAQA bible

Isaya 53

¹ Gumiini waan isani jettu, Eenuti d'aamsa keenna d'ugeefate? Eenuti dandae waan AABBO Waaqi tolche waan kana keesati arga?

²Inni AABBO Waaqa durati akuma mukha late, hiddi isaa lafa goddu keesati bahu jira. Inni guddinnaafi mid'aaguma nu isani millannu inqabu, wonti nami millate isaani jaalatu tokoleeni injirtu.

³Isa tufatani didani, inni gaargalaafi d'ukubsachale obse. Nami isa ilaalu injiru, nuleeni isa tufanne womatu indarre.

⁴Ammo inni gaargala keennafi laalefacha nu sila argannu fud'ate. Ammo nu hojja ch'ufa waan Waaqi gaargala suni isatini d'ufe seene.

⁵ Ammo maro daba keennatifi isa woraanani, maro ch'ubbu teennatifi isaa d'aanani. Maro gaargala isaatiifi nu nagaya arganne, maro d'aanicha isatifi nu fayyisani.

⁶ Nuuni ch'ufti aka hooliye banne, abbu kara ufi gula bahe. Ammo AABBO Waaqi ch'ubbu teenna ch'ufa isa ira kaye.

⁷ Isa aka hama dabsani gaargalchani, ammo inni woma tokole indubbanne. Inni akuma ilmaani hoola, ta qalma deemaninifi akuma hoola rifeensa iraa ch'irani, ch'allise ufumaa eje.

⁸Isa qabani, wollaala iti murani, ijeechaa geesani. Nami tokoleeni waan isa tolchani suni iyyaalle. Isa maro daba gumi teennatifi ijeesani.

⁹ Ato inni takaa wollaala tolche d'ara indubbatinile, worra ch'ubbu woliini isa awaalani dureeyyi woliini isa irreesani.

¹⁰AABBO Waaqi waan jed'u, Inni fed'i tiyya gula gaargale; duisi isa sorio dabaani namaa araaramani. Duuba akanaani inni lubbu bule ilmaani isa ch'ufa arge, fed'iini tiyyaleeni isani guutamti.

¹¹Eegi guddo gaargale inni deebie gammada argate, aka gaargali isaa sunini wo namaa bahu beekha. Hojattuuni tiyya dansaani, ta guddo na gammachiiftu, ch'ubbu nama heddu fud'ata, aninileeni maro isaatiifi worraa araarama.

¹² Tanaafi anini fulla guddinna ta hayyooti gugurdoni irre qabdu teetu isaa kenna. Waan inni fed'i ufitini jireenna ufi baase worra ch'ubbu woliini duefi. Inni ch'ubbu nama heddu fed'ate, ammalle aka ch'ubbu worra suni araaramanifi Waaqa kad'ate.