Read BORANA BIBLE – KITAABA WAAQA Isaya 63 Bible Online

Isaya 63 - BORANA BIBLE – KITAABA WAAQA bible

Isaya 63

¹Kunini eenu, ka dira Bosra ka lafa Edomuti d'ufu? kunini eenu, ka woya diimtu mid'aadu keeyate, irre ufi guddooni deemu? Inni AABBO Waaqa, ka irre namaani baasu qabu, ka d'uga ch'alla dubbatu.

²Woyaani isaa maanifi aka woya nama mid'aani zabibu ch'ach'arase daad'i mid'aasu diimati?

³AABBO Waaqi waan jed'u, Anini yayu aka zabibu gosa d'ibi ch'ufa ch'ach'arase, nami tokoleeni ka d'ufe na qarqaare injiru. Anini dallansu tiyyaani worra ch'ach'arase, d'iigi worraleeni woya tiyyati t'it'iniqe balleese.

⁴Wonti akanatiifi guyyaani anini gumi tiyya baasu ya d'ufe guyyaani anini nyaapa kiyya gaargalchu ya gahe.

⁵Anini aka qarqaarsa nama iraa d'abe arginaani mame. Ammo dallansuuni garaa na jabeesite, kobuma tiyya worra suni dabsad'e.

⁶Anini dallansuuni gosa heddu ch'ach'arase d'iiga worraa lafati jisse.

⁷Anini naasufu jaalala AABBO Waaqa namati odeese waan inni nuu tolcheefi isa faarsa. Inni maro naasufi jaalala isaatiifi yayu gumi Israeli qarqaare guddo eebise.

⁸AABBO Waaqi waan jed'e, Worri kunini kiyya; na insobu. Tanaafi,

⁹inni gaargala ch'ufa keesaa worra baase. Nami worra baase malaikaniti, AABBO Waaqa. Jaalalaafi naasu isaatini inni worra baase. Inni qara duri hojja ch'ufa worra qarqaare,

¹⁰ammo worri isa dide, aka hama isa laalefachiise. Tanaafi AABBO Waaqi nyaapa worrati tahe worra had'e.

¹¹Ammo eege worri waan bara duri gaafa hojatuni AABBO Waaqa Musani lafa jiru qaabate waan jed'e, AABBO Waaqi, ka jaarole gumi isaa baariini taakisiise, me? AABBO Waaqi, ka lubbu isaa Musaa kenne, me?

¹²AABBO Waaqi, ka irre isaa guddooni waan jabdu Musa tolchisise, bisaani baariini gargari kute, gumi isaa bisaani qile taakisiise, akasiini haga jiru jireenna gurra baafate, me? AABBO Waaqi worra dura deeme, worrileeni aka farda lafa aloo ka ingufanne yae.

¹⁴Akuma looni bale marra qabduti bobaasani, akasuma AABBO Waaqi gumi ufi boqochiisa. Inni gumi isaatini deeme, akasiini gurra dansa argate.

¹⁵Ee AABBO Waaqa, gubbaa fulla atini qulqulloomafi guddinna keetiini teetu, nu ilaali. Atini maanifi nu yaalu didda? Irreeni tante meeti? Naasufi jaalalti tante meeti? Nu inded'ini.

¹⁶Atini abba keenna. Ababooti teenna Abrahamufi Yakoboni nu imbeekhani, ammo, ee AABBO Waaqa, atini abba keenna, ka guyya ch'ufa nu baase.

¹⁷Atini maanifi kara kanke iraa nu gorsita? Atini maafi garaa nu jabeesite, ufi sodaachu nu d'owarta? Hojatu tante, gosa atini duri fohate, jed'i gadeebii.

¹⁸Nu, gosa tante qulqullo, nyaapi d'ufe lafa teenna keesaa nu baase, mana kanke qulqullole seene t'ureese.

¹⁹Atini aka waan taka hayyu keenna intahini nu tolchite, yokhaani aka waan nu takaa gumi tante intahini nu tolchita.