Read BORANA BIBLE – KITAABA WAAQA Lawi 10 Bible Online

Lawi 10 - BORANA BIBLE – KITAABA WAAQA bible

Lawi 10

¹Nadabufi Abihuni, ilmaani Haruni, worri lachu daboola isaa ka ibida fud'ate, ch'ile ibida keesa kaye, hit'aana keesa buuse, AABBO Waaqa durati aarse. Ammo ibidi suni qulqullooniti, wonti akanatiifi AABBO Waaqi worraani, baasa injenne.

²Duuba AABBO Waaqi durati worra gube hobaase.

³Jennaani Musani waan harunini jed'e, Wonti AABBO Waaqi gaafa inni nama na hojate anini qulqullooma garsiisa, duuba gumi tiyya ch'ufa durati na guddisani, jed'eefi tana. Ammo Harunini inch'alise.

⁴Duba Musani Mishaelifi Elisafani, ilmaani Uzieli, ta abbuyoota Harui, yaame waan jed'eeni, koota, reefa oboleyaani teesani kana fuud'a, Waaro Woyyuma biraa fageesa, alati baasa.

⁵Duuba worri d'ufe, reefa suni woya woliini fuud'e akuma Musani jed'eeni kaani alati geese.

⁶Jennaani Musani waan Harunifi ilmaani isaa Eleazarifi ithamarini jed'e mata keesani filachu illakisina, yokhaani woya teesani tarsaaftani laalala ingarsiisina. Yo isani akasi tolchitani indootani, ammalle AABBO Waaqi gumi ch'ufati dallana. Ammo obleyaani teesani ta Israeli ha worra Waaqi ibidaani fit'e kani jette bootu.

⁷Waaro Woyyuma keesaa imbahina yo keesaa baatani indootani; wonti akanatiifi isani ya d'ad'a AABBO Waaqatini muudani. Duuba worri waan Musani jed'eeni ch'ufa guute.

⁸AABBO Waaqi waan Harunini jed'e,

⁹Sifi ilmaani tante daad'ifi haraqe d'uuddani Waaro Woyyuma induudiina; yo akasi taatani indootani. Tunini seera haga jiru jireenna d'alooti kanke guutu male.

¹⁰Isani waan Waaqatifi waan nama yokhaani waan qulqulloofi ka qulqullo intahini gargari hubachu maltani.

¹¹Ammalle seera anini Musani isani kenne gumi Israeli barsiisu maltani.

¹²Jennaani Musani waan Harunifi ilmaani isaa lamaani hafte taani, Eleazarifi Ithamarini jed'e, mid'aani gubani AABBO Waaqaa baasani, ka iraa hafe, fuud'a, qit'a bukho inqamne d'aaba d'aatu waan mesa fakaatari nyaad'a; wonti akanatiifi wonti baasani kunini quddo qulqullo.

¹³Fulla qulqullooti nyaad'a; kunini sagale AABBO Waaqa baasani keesa qooda keesanifi ka ilmaani teesaniti. Wonti AABBO Waaqi nani jed'e suni.

¹⁴Ammo isanifi worri keesanileeni handaraafafi miila lukha ka olqabani, aka AABBO Waaqaa baasani garsiisani, nyaachu dandeetani; fulla qulqullo ch'ufaati. Waan baasani kana ya isanifi ijoolle teesanii kennani, aka isiini sorio wold'ageeti worra Israeli baasu keesa qooda keesani taatu.

¹⁵Worri miila lukhatiifi handaraafa ha hojja gabbinna gubani AABBO Waaqa baasani d'ufuuni. Qoodi kunini keesanifi ka ijoolle teesaniti haga jiru jireenna, akuma AABBO Waaqi jed'e.

¹⁶Musafi reeti sorio dabaani ufi iraa baasani gaafate jennaani, ya gubani jed'aniini. Inni dubbi suni d'agaye jennaani Eleazarifi Ithamarati dallane waan jed'eeni,

¹⁷Isani maanifi sorio dabaani ufi iraa baasani fulla Woyyumati inyaatina? Sorioni suni guddo qulqullo, ammalle yayu AABBO Waaqi isanii kenne aka ch'ubbu gumi iraa fuud'ani, akasiini worraa araaramani.

¹⁸Waan d'iiga sorio suni achumati nyaachu maltani, akuma qara anini isaniini jed'e.

¹⁹Harunini waan jed'eeni, Ato sila anini sorio dabaani ufi iraa baasani arra nyaad'e, AABBO Waaqi tanaa jed'e ingammada? Biyyiti ya sorio dabaani ufi iraa baasani arra AABBO Waaqaa baafte, ammalle sorio gubanile d'ufteeni, ammo yo akasile taate, wonti hamtuni tuni na inhanqanne.

²⁰Musafi waan kana d'ageennaani dubbi isaa quufe.