Read BORANA BIBLE – KITAABA WAAQA Lawi 25 Bible Online

Lawi 25 - BORANA BIBLE – KITAABA WAAQA bible

Lawi 25

¹AABBO Waaqi gaara Sinai gubbati waan Musani jed'e,

²Waan atini worra Israelitini jett: Hojja isani lafa anini isaanii kennuni baatani, laftileeni ha aada Sabato gula ganna torbeeso boqotuti.

³Ganna jaa oobru oobrad'a, mukha zabibu kolkola, mid'aani galfad'a.

⁴Ammo ganna torbeeso lafti ha hafuura baafatu, aada Sabato AABBO Waaqa gula. Ganna suni oobru teesani oobrattani mukha zabibu inkolkolatina.

⁵Mid'aani ufiini baheele inguuratina ammalle mukha zabibu ka inkolkolinile mid'aani iraa inguuratina; ganni suni ganna lafti boqotu.

⁶Wonti lafti ganna torbeeso suni isanii baaftu sagale isanii taati-sii, tissele teeti, hojattu teeti, keessuma tante ta gosa d'ibiti,

⁷hori keeti, bineensa alaa ka oobru teeti galule, waan isiini baaftu ch'ufa nyaad'a.

⁸Ganna torba maro torba heda, duuba ganni sunini wolti ganna afurtami sagali.

⁹Duuba guyya kud'anneeso, jia torbeeso, guyya daba gumi iraa fuud'ani kaani, lafa ch'ufa keesa nama ergi, ha magalata d'au.

¹⁰Akanaani ganna shantameeso koba baasa, qulqulleesa, nama lafa teesani jiru ch'ufa waan balchooma iti hima. Ganni suni ganna gammada isanii taha, nami ch'ufti ha d'ala ufitifi worra ufiti galuti.

¹¹Ganna shantameeso suni keesa oobru teesani inoobratina, mid'aani ufiini bahe inguuratina, yokhaani mukha zabibu ka inkolkolini mid'aani iraa inguuratina.

¹²Ganni sunini ha ganna qulqullo isanii tahu; waan oobruuni ufiini baaftu ch'alla nyaad'a,

¹³Ganna suni keesa nami ch'ufti ha lafa duri d'aala kennanifti deebiu.

¹⁴Hojja lafa nama gosa tante ka Israeliti gurgurate, yokhaani yo iraa bitate, woli indabsina.

¹⁵Aki isani gati lafa suni iti wold'at'ani buufatani akana: ganna lafti sagale baaftu, ka ato ganni jabaani woi wolideebisani suni ingahiini gula buufad'a.

¹⁶Yo ganni suni heddu taate gatini oldeemti, ammo yo ganni suni gabaaba taate gatini gadideemti; wonti akanatiifi wonti gurgurani waan lafti suni ganna hafe suni keesa namaa baaftu.

¹⁷Woli indabsina, AABBO Waaqa keesani sodaad'a.

¹⁸Seerafi aada AABBO Waaqa ch'ufa jabeesa guuta, aka lafa tana keesa nagayani teetani.

¹⁹Lafti sagale baafte, isanileeni waan feetani nyaatani nagayani teetani.

²⁰Yo nami ganna torbeeso, Maani nyaanna yo woma oobrane imuratini jed'e gaafate wonti anini jed'uuni tana:

²¹AABBO Waaqi ganna jaeeso guddo lafa eebise, lafti sagale ganna lama ganna suni baafti.

²²Gaafa isani ganna saddeeteeso oobru oobrattani isani mid'aanuma ganna jaeeso murattani kaani nyaatani. Ammalle haga isani mid'aani ganna suni oobrattani murattaniti, sagale ind'abdani.

²³Lafti isani keesa teetani tunini teesaniniti ta Waaqaati, isani lafa tanati keessuma fakaatani. Tanaafi suni halala namati ingurgurina.

²⁴Hojja lafa suni gurguranile, aka abbaani isii dandae deefatu qaabad'a.

²⁵Yo nami keesani hiyyoomate lafa ufi gurgure, nami miilo isaa aantini ha d'ufe lafa suni bite deebisuufi.

²⁶Nami nama miilo ka isaa deebisu inqamne yo taka tana wohorate, hegeri dandae deefata.

²⁷Yo akasi taate, inni nama lafa suni isa iraa bite kaani ha beese baasu. Ato ganni jabaani woi woli deebisani kaani ingahiini, beese suni ha ganna lafti sagale baaftu kaani gula buufatani. Duuba inni dandae lafa isaa taani argate iti deebia.

²⁸Ammo hojja inni beese lafa sunini deefatu inqamne, lafti suni ta namicha bitate kaani taati, haga ganni jabaani woi woli deebisani kaani gahuti. Duuba ganna suni abba duri horate kaani, deebisani.

²⁹Hojja nami dira d'akhaani marsani jaarani keesati mana gurgurate, inni d'uga qaba, aka haga wogaani sunini martuti deefatu.

³⁰Ammo hojja inni ganna suni keesati deefachu baate, deebie indeefatu, mani sunileeni haga jiru jireenna ka nama bitetifi ka ilmaani isaa taha; ganna woi woli deebisani kaanile indeebisani.

³¹Ammo maneeni ollowani naabo d'akha inqamne, aadaani isii ha tauma oobru taatuti; nami duri horate d'uga qaba, aka deefatu, ammalle ganna jaba woi woli deebisaile indeebisanifi.

³²Ammo taatule worri gosa Lawi d'uga qaba, aka yo fed'u ch'ufa waan ufi dira worra kennani keesati bite deefatu.

³³Hojja nami Lawi dira akasi suni keesati mana gurgurate deefachu dide, ganna jaba woi woli deebisani kaani keesa mana suni isaa deebisu malani; wonti akanatiifi maneeni Lawi ta dira suni haga jiru jireenna ta worrati, gosa Israeli keesa.

³⁴Ammalle lafti d'aatu dira suni ta horini tikhatu ch'ufti ta worra Lawiti; haga isiini jirtu nami ingurgurini, isiini ta worrati.

³⁵Yo nami gosa teesani ka Israeli hiyyoomate ufi bulchu dad'abe qarqaari, aka atini keessuma qarqaartu, aka duuba inni sibiraa infagaanne.

³⁶Woma ira infud'atini, ammo Waaqa sodaad'i, inni ha sibira tau.

³⁷Beese atini isaa liqeesitele tirfi ira imfud'atini, sagale atini iti gurgurtele tirfi keesa imbarbaadini.

³⁸Tunini dubbi AABBO Waaqa keesani, kafa Misiri keesaa isani baase, Waaqa keesani tahe lafa kanaani isanii kenne.

³⁹Hojja nami gosa teesani ka Israeli kao olla keesani hiyyoomate, aka tisse siti ufi gurgure, aka tisse isa inhojachisini.

⁴⁰Inni ha bira tae, huji hojate, haga ganni woi woli deebisani kaani gahuti si qarqaaru.

⁴¹Yo ganni suni gahe, isaafi ijoolleeni isaaleeni ha si bira yaani worra isaanitifi waan abbooti isaa ira d'aaleti galani.

⁴²Worri Israeli tissele AABBO Waaqaati ka inni lafa Misiri keesa baase; tanaafi worra gurgurani tisse tolchu himmalle.

⁴³Waaqa keesani sodaad'a, worra indabsina.

⁴⁴Hojja tissele feetani, gosa d'aatu teesani jirtu ira bitad'a.

⁴⁵Ammalle ijoolle worra gosa d'ibi ka isani keesa godaanu, dandeetani bitatani. Ijoolleeni akasi suni ta lafa teesani keesati d'alate dandeete teesani taate,

⁴⁶ammalle dandeetani d'aala ilmaani teesani dabarsitani, duuba worri haga jiru ilmaani suni ha hojatu. Ammo nama gosa teesani ka Israeli tokole indabsina.

⁴⁷Hojja nami gosa d'ibi, ka isani keesa godaamu, dureesa tahe, ammo nami Israeli hiyyoomate, aka tisse nama suni yokhaani nama worra isaati ufi gurgure,

⁴⁸eegi gurguranile dandaani beese baasani deebisani. Oboleesi isaa

⁴⁹yokhaani abuyyaani isaa yokhaani dubrini isaa yokhaani fiit'aani isaa d'ibiini dandeete beese baafte isa deebifti; yokhaani yo inni beese horate dandae beese baase ufi deebisa.

⁵⁰Inni ha nama isaa biteeni woldubbatani, ganna haga inni ufi gurgureti asi haga ganna woi woli deebisani kaani hedani, gati isaa hojatu kennani gula heregani.

⁵¹Inni ha bulti ganna hafe gula, gudddofi diqole taanaani, qooda waan qara baasani kaani deebisu,

⁵²

⁵³akuma nama gannati beese hereganifi. Nami inni hojatufi isa indabsini.

⁵⁴Hojja kara kana tokoleeni isa gadi ind'iisini, isaafi ilmaani isaale ha ganna woi woli deebisani kaani gad'iisani.

⁵⁵Nami gosa Israeli dandate haga jiru tisse namaa intahu, wonti akanatiifi worri tissele tiyya ta anini lafa Misiri keesaa baase. Anini AABBO Waaqa keesani.