Read BORANA BIBLE – KITAABA WAAQA Lawi 27 Bible Online

Lawi 27 - BORANA BIBLE – KITAABA WAAQA bible

Lawi 27

¹AABBO Waaqi waan Musani jed'e,

²Waan atini worra Israelitini jettu: Hojja kakhu jabdu gula nama AABBO Waaqa kennani, nama suni dandaani beese hagana tana baasani gad'iisani,

³aka herega qarsi ta gaafasi gula: nami d'iira ka ganna diddamatifi jaatama jiddu: qarsi shantama. Nama uwa: ka hagasi qarsi sodoma. — Ijoollen d'iira ta ganna shanifi diddama jiddu: qarsi diddama. — Ijoolleeni dubra ta hagasi: qarsi kud'ani. — Ijoolleeni d'iira ta ganna shani jala: qarsi shani. — Ijoolleeni dubra ta hagasi, qarsi sadi. — Nami d'iira ka ganna jaatama oli: qarsi kud'ani shani. — Nama uwa ka ganna jaatama oli: qarsi kud'ani.

⁸Yo nami kakhu suni kakhate hiyyeesa taate waan suni baasu dad'abe, inni ha nama suni qaallutini d'ufu, duuba qaallichi gati suni iraa buefi, irre isaa gula gati d'ibi tolchaafi.

⁹Hojja kakhuuni kakhatani suni ta hori qeench'a taate, wonti AABBO Waaqaa baasani ch'ufti qulqullo.

¹⁰Nami kakhu suni kakhate fulla hori suni hori d'ibi baasu himmalle. Yo inni akasi tolche horini suni lachu ka AABBO Waaqa taha.

¹¹Ammo yo kakhuuni suni hori qulqullo intahini ka AABBO Waaqa baasu himmalini taate nami suni ha hori suni qaallutini d'ufu.

¹²Duuba qaallichi ha dansumafi hameenna isaa gatiiti tolchi, duuba gatini sunuma taati.

¹³Hojja nami suni hori suni deefachu fed'u, inni ha gati suni baase, ammalle shani keesa toko iti daru.

¹⁴Hojja nami mana ufi AABBO Waaqaa baasu, qaallichi ha dansumafi hameenna mana suni gula gati iti tolchuti, duuba gatini sunuma taati.

¹⁵Hojja nami suni mana suni deefachu fed'e, inni ha gati suni baase, ammalle shani keesa toko iti daru.

¹⁶Hojja nami oobru isaa gama toko AABBO Waaqaa baase, ha sanyi isiini fuutu fula gati iti tolchani, gatini suni tana; garbuuni kilo diddama qarsi kud'ani.

¹⁷Hojja inni lafa ufi, akuma ganni woi woli deebisani kaani dabreeni, Waaqaa baase, gatini isii sunuma.

¹⁸Ammo yo inni eegi suni baase, qaallichi, ganna woi woli deebisani kaani asi, ha ganna hafe herefe gati iraa bue himufi.

¹⁹Hojja nami oobru Waaqaa baase suni deefachu fed'e inni gati suni baase ammalle shani keesa toko ha iti daru.

²⁰Hojja inni oobru suni ka AABBO Waaqa iraa indeefatini nama d'ibiti gurgure inni aada bitate deefatuni inqabu.

²¹Hojja ganni woi woli deebisani gahe, oobruuni suni ta AABBO Waaqa haga jiru jireenna taati; isiini ta qaalole taati.

²²Hojja nami oobru inni bitate AABBO Waaqaa baase,

²³qaallichi ha, ganna woi woli deebisani kaani asi, ganna hafe herege gati iti hime duuba inni ha hori suni guyyuma suni baasuti. Beeseeni suni ta AABBO Waaqaati.

²⁴Gaafa ganna woi woli deebisani kaani, oobru suni ha abba duri horate deebisani yokhaani ilmaani isaa.

²⁵Gati ch'ufa ha biima qarsi gaafasi gula heregani.

²⁶Wonti qara horini d'ale ch'ufti ka AABBO Waaqaati, tanaafi nami tokoleeni waan suni aka sorio fed'i gula baasaniti herege imbaasini. Watiye taanaani, ilmoole hoolatifi ta laleesa taanaani ch'ufti ta AABBO Waaqaati.

²⁷Ammo waan bineensi qulqullo intahini qara d'alu dandaani deefatani, gati gaafasi gula, ammalle shani keesa toko iti daru malani. Yo abbaani deefachu baate dandaani gati suni gula nama d'ibii gurgurani.

²⁸Nami tokoleeni dandae waan qara AABBO Waaqaa kenne beese baase, e, ira indeefatu, yokhaani ingurguru, ato wonti sunini nama, yokhaani hori yokhaani oobrule taate. Wonti sunini haga jirtu ch'ufa ta AABBO Waaqati.

²⁹Namale ka kara sunini Waaqaa kennani dandaani indeefatani, nama suni ijeesu malani.

³⁰Waan lafti baaftu, mid'aani oobrutifi, ka mukhale taanaani, kud'ani keesa toko ka AABBO Waaqaati.

³¹Hojja nama tokoleeni waan suni beese baase deefachu fed'u, inni gati gaafasi lafa jirtu gula ha beese baase, shani keesa toko iti daru.

³²Hori horatani loonifi ree taanaani kud'ani keesa, toko ka AABBO Waaqaati. Hojja hori tohatani, ka kud'anneeso ch'ufti ka AABBO Waaqati.

³³Abbaani hori file hamamo gama taka deebisu himmalle yokhaani woljijirule himmalle, yo inni woljijire, horini suni lachu ka AABBO Waaqaati duuba dandaani indeefatani.

³⁴Kunini seera AABBO Waaqi gaara Sinai irati Musani worra Israeliti kenne.