Read BORANA BIBLE – KITAABA WAAQA Lawi 3 Bible Online

Lawi 3 - BORANA BIBLE – KITAABA WAAQA bible

Lawi 3

¹Hojja nami looni isaa keesa toko sorio wold'ageeti AABBO Waaqa durati baase, wonti inni baasu suni korma taanaani, yokhaani d'ala taanaani, ha waan aabo inqamne taatuti.

²Namichi ha hori d'ufeeni suni harka mata ira keeyate harirate, fulla balbala Waaro Woyyumati gorau. Duuba qaaloleeni ilmaani Haruni ha d'iiga isaa suni waan aka mesa jira kaani gama afraaniti fifit'e,

³fooni hori suni kaani gubde AABBO Waaqaa sorio baaftu: gabbinnafi moora miha garaa ch'ufafi,

⁴kaleefi gabbinna isiitiifi arabicho tirulle ch'ufa.

⁵Qaaloleeni ha waan kana ch'ufa waan gubani sorio Waaqaa baasani woliini gubde sorio baaftu, aka akasiini ch'inch'aani waan kana AABBO Waaqa gammachiiftu.

⁶Hojja nami ree isaa keesa toko sorio wold'ageeti baasu, wonti inni baasu suni ha kormafi yokhaani d'altu aabo inqamne taatu.

⁷Hojja nami hoola sorio AABBO Waaqaa baasu,

⁸inni ha hoola suni harka mata ira keeyate harirate, Waaro Woyyuma durati gorauti. Duuba qaaloleeni ha d'iiga isaa waan mesa fakaata kaani gama afraaniti fifit'e,

⁹fooni hori suni kaani gubde AABBO Waaqaa sorio baaftu; gabbinna duba isaa ch'ufa, gabbinnafi moora miha garaa ch'ufa

¹⁰kaleefi gabbinna isi arabicho tirulle ch'ufa.

¹¹Duuba qaallichi ha waan kana ch'ufa waan mesa fakaata kaani irati gube, AABBO Waaqaa sorio baasu.

¹²Hojja nami laleesa sorio AABBO Waaqaa baasu,

¹³inni ha harka mata ira keeyate harirate, Waaro Woyyuma durati gorauti. Duuba qaaloleeni ha d'iiga isaa waan mesa fakaata kaani gama afraaniti fifit'e,

¹⁴fooni hori suni kaani gubde AABBO Waaqaa sorio baaftu: gabbinnafi moora miha garaa ch'ufafi,

¹⁵kaleefi gabbinna isiitiifi arabicho tirulle ch'ufa.

¹⁶Duuba qaallichi ha waan kana ch'ufa waan mesa fakaata kaani irati gube AABBO Waaqaa sorio baasu, aka akasiini ch'inch'aani isii AABBO Waaqa gammachiiftu. Gabbinni ch'ufti ka AABBO Waaqaati.

¹⁷Tunini aada isani haga jiru jireenna jabeesu maltani aka nami keesani tokoleeni gabbinnafi d'iiga insooranne.