Read BORANA BIBLE – KITAABA WAAQA Lawi 4 Bible Online

Lawi 4 - BORANA BIBLE – KITAABA WAAQA bible

Lawi 4

¹AABBO Waaqi waan Musani jed'e,

²Waan atini worra Israelitini jettu, hojja nami danu waan AABBO Waaqi seera ch'abse ch'ubbu tolche, inni akana tahu male.

³Yo nami ch'ubbu suni tolche qaallicha gudda tahe, akasiini ch'ubbuuni gumi qabatte inni ha jibicha korma ka aabo inqamneeni d'ufe, maro ch'ubbu isaatiifi AABBO Waaqa durati qale sorio baasuti.

⁴Inni ha korma suni fulla balbala Waaro Woyyumatiini d'ufe, harka mata ira keeyate harirate, artiti AABBO Waaqa durati gorauti.

⁵Duuba qaallichi guddaani ha d'iiga korma suni ka gari fuud'e, Waaro Woyyumati geese,

⁶quba isaa d'iiga suni keesa kaye, maro torba golla woyyuma durati, AABBO Waaqa durati fifit'u.

⁷Duuba inni ha d'iiga haga toko gaafa afraani waan mesa fakaata ka Waaro Woyyuma keesati hit'aana irati aarsaniiti naquuti. Ammalle d'iiga hafe kaani ha waan mesa fakaata ka sorio irati Gubani, ka fulla balbala Waaro Woyyuma eju, jalati jissu.

⁸Waan korma kana inni ha gabbinnafi moora ch'ufafi

⁹ammalle kaleefi gabbinna isiitiifi arabicho tirulle ch'ufa fuud'e,

¹⁰waan mesa fakaata ka sorio gubani irati baasani kaani irati gubuti akuma inni gabbinna hori sorio wold'ageetiti baasani kaani tolchu.

¹¹Ammo gogafi foonifi matafi miilafi miha garaa ch'ufafi marumale ha fuud'e,

¹²alati baase, fulla qulqullo daara iti haraniti ibidaani gubuti.

¹³Hojja gumiini Israeli ch'ufti danu seera AABBO Waaqa ch'absite akasiini ka imbeekhini ch'ubbu tolchite,

¹⁴akuma ch'ubbuuni suni beekhamteeni, gumiini ha jibicha korma fuute, Waaro Woyyuma ta AABBO Waaqatini d'uftu.

¹⁵Duuba jaaroleeni gumii ha harka mata ira keeyate harirate, duuba artumati goraaniti.

¹⁶Qaallichi guddaleeni ha d'iiga korma suni haga toko fuud'e Waaro Woyyumati geese,

¹⁷quba isaa keesa kaye maro torba AABBO Waaqa durati golla durati fifit'uti.

¹⁸Inni ha d'iiga suni haga toko, gaafa afraani waan mesa fakaata ka Waaro Woyyuma keesati hit'aana irati aarsaniiti naquuti, Ammalle d'iiga hafe kaani ha waan mesa fakaata ka sorio irati Gubani, ka fulla balbala Waaro Woyyuma eju, jalati jissuti.

¹⁹Duuba inni ha gabbinna isaa suni ch'ufa fuud'e waan mesa fakaata suni irati gubuti.

²⁰Inni korma kana ha akuma korma sorio dabaani ufi iraa baasani tolchani tolchuti, duuba akanaani inni sorio daba gumiitini baasani baase, gumii araaramani.

²¹Duuba inni ha korma suni alati baase gubuti akuma inni korma daba isaatini baasani tolchu. Tunini sorio daba gumiitini baasani.

²²Hojja nami gosa dura deemu danu seera AABBO Waaqa ch'abse, akasiini ka imbeekhini ch'ubbu tolche,

²³akuma ch'ubbuuni isaa suni mullateeni, inni ha korbeesa aabo inqamne tokooni d'ufe sorio baasuti.

²⁴Inni ha harka isaa mata ira keeyate harirate, waan mesa fakaata kaani gama mirga, fulla hori gubani sorio baasani iti goraniti, ha goraauti.

²⁵Duuba qaallichi ha quba ufi d'iiga hori suni keesa kaye, gaafa afraani waan mesa fakaata, ka sorio irati gubaniti naqe, ka hafe kaani d'ibi mesa suni jalati jissu.

²⁶Duuba inni gabbinna isaa ch'ufa ha waan mesa fakaata suni irati gubuti, akuma inni gabbinna hori sorio wold'ageetiti baasani gubu. Akasiini qaallichi ha sorio daba nama gosa dura deemu baasani baase daba nama suni araaramanifi.

²⁷Yo gumi keesa nami toko danu seera AABBO Waaqa ch'abse, akasiini ka imbeekhini ch'ubbu tolche,

²⁸akuma ch'ubbuuni isaa suni mullateeni, inni ha reeti aabo inqamne tokooni d'ufe sorio baasuti.

²⁹Inni ha harka isaa mata ira keeyate harirate, waan mesa fakaata kaani, gama mirga, fulla hori gubani sorio baasani iti goraaniti ha gorauti.

³⁰Duuba qaallichi ha quba ufi d'iiga hori suni keesa kaye, gaafa afraani ka waan mesa fakaata, ka sorio irati gubaniti naqe, ka hafe kaani d'ibi mesa suni jalati jissuti.

³¹Ammalle inni ha gabbinna isii ch'ufa fooni iraa baase, akuma hori sorio wold'ageetiti qalani gabbinna iraa baasani; akasuma waan mesa fakaata irati ha gubu, duuba akasiini ch'inch'aani isi AABBO Waaqa gammachiifti. Kara kanaani qaallichi sorio daba nama sunitini baasani baase, daba isa isaa araaramani.

³²Yo nami hoola sorio dabaani ufira baasani baase, hoolani suni ha hoola d'ala aabo inqamne tahuti.

³³Inni ha harka ufi mata ira keeyate harirate, waan mesa fakaata kaani gama mirgati, fulla hori gubani sorio baasani iti goraaniti, gorauti.

³⁴Duuba qaallichi ha quba ufi d'iiga hori suni keesa kaye, gaafa afraani waan mesa fakaata ka sorio irati gubaniti naqe ka hafe kaani d'ibi mesa suni jalati jissuti.

³⁵Ammalle inni ha gabbinna isaa ch'ufa fooni iraa baase, akuma hoola sorio wold'ageetiti qalani gabbinna iraa baasani, akasuma gabbinna iraa baasani, akasuma waan mesa fakaata irati, sagale waan AABBO Waaqa baasani woliini gubu. Kara kanaani qaallichi sorio daba nama sunitini baasani baase, daba isaa araaramanifi.