Read BORANA BIBLE – KITAABA WAAQA Lawi 6 Bible Online

Lawi 6 - BORANA BIBLE – KITAABA WAAQA bible

Lawi 6

¹AABBO Waaqi waan Musani jed'e,

²Yo nami Israeli tokoleeni, waan nami gosa isa qabdo iti lakise deebisuufi dide, yokhaani woi iraa hate, yokhaani woi iraa Saame, yokhaani waan bade ka inni arge mormate, Anini ingarre jed'e akanaani AABBO Waaqati ch'ubbame, nami sunini sorio baasu male.

⁴Hojja nami kara suni tokoleeni ch'ubbame, inni waan kara maleeni argate suni ha abba dabse iraa fud'ate kaani deebisu. Guyya ch'ubbuuni isaa mullatu, inni ha nama dabse kaani waan isaa deebise, ammalle waan shani keesa toko iti daruufi.

⁶Ammalle inni ha elemo yokhaani korbeesa ka kamu aabo inqamne AABBO Waaqa gati baase qaallutini d'ufu. Gati hori suni ha aada Waaro Woyyuma gula laalaniti.

⁷Qaallichi ha sorio daba nama sunitini baasani baase, akasiini daba araaramanifi.

⁸AABBO Waaqi waan Musani jed'e,

⁹waan atini Harunifi ilmaani isaatini jettu, Aadaani sorio gubani baasani tana: wonti gubani sorio baasani suni ha waan irati gubani suni ira bultuti ibidi suleeni ind'aamini.

¹⁰Duuba qaallichi ha ubaarafi hid'a isaa ta boofta keeyate, daara fiila qabdu hare, d'aatu waan mesa fakaata kaani kayuti.

¹¹Duuba eegi suni inni ha woya jijirate, daara suni ala, fulla qulqullooti, geese jissu.

¹²Ibidi fulla sorio iti qalani suni hojja ch'ufa bobau male, yo tokole ind'aamini. Diirama ch'ufa qaallichi ha qoraani iti dare waan gubani sorio baasani suni irati mimid'aase, gabbinna sorio wold'ageeti gubuti.

¹³Ibidi hojja ch'ufa bobau male, yo tokole ind'aamini.

¹⁴Aada mid'aani Waaqaa baasani tana: ilmaani Haruni ha sorio suni AABBO Waaqa durati baaftu, waan mesa fakaata kaani durati.

¹⁵Duuba inni ha mid'aani daakhanifi d'ad'afi hit'aana waan suni gubba jirale fuud'e, waan mesa fakaata irati gubuti, aka akasiini aka waan kana ch'ufa AABBO Waaqa iraa argatani garsiise, ch'inch'aani isi AABBO Waaqa gammachiiftu.

¹⁶Waan ira hafe ha Harunifi ilmaani isaa nyaatu. Mid'aani daakhani suni ha qit'a bukho inqamneeni d'aabani, fulla qulqullo d'aatu Waaro Woyyumati nyaatani. AABBO Waaqi yayu waan kana qoode qaalole kenne. Sagaleeni tunini, akuma sorio dabaani ufiraa baasanitifi waan gati sorio baasani guddo qulqullo.

¹⁸Haga jiru jireenna nami d'iira ka d'aloota Haruni ha nyaatu; wonti kunini qooda worra ka guyya ch'ufa waan AABBO Waaqaa baasani keesaa worraa kennani. Nami sagale suni qabate ch'ufti nama qulqullo taha.

¹⁹AABBO Waaqi waan Musani jed'e,

²⁰Wonti Harunifi ilmaani isaa, guyya nama worraa muudani qaallu tolchani AABBO Waaqaa baasu malani, tana: kilo toko ta mid'aani daakhani (ta haga mid'aani guyya ch'ufa Waaqaa baasani), mid'aani suni fulla lamati gargari baasani, toko diirama baasani, kaani galgala baasani.

²¹Duuba d'ad'ani wolti makhani daboola irati d'aabani, eegi suni ch'ach'absani, aka mid'aani Waaqa baasani ha baasani aka akasiini ch'inch'aani isii AABBO Waaqa gammachiiftu.

²²Haga jiru jireenna d'alooti Haruni ch'ufti, ka qaallu gudda tolchani, ha waan kana baasu. Waan suni aka dansa gubu malani, aka isiini sorio AABBO Waaqaa taatu.

²³Mid'aani qaallu baasani kana nami tokoleeni nyaachu himmalle; ch'ufuma ha gubaniti.

²⁴AABBO Waaqi waan Musani jed'e,

²⁵Waan atini Harunifi ilmaani isaatini jettu, aadaani sorio dabaani ufiraa baasani tana: fulla hori gubani AABBO Waaqa durati sorio baasani iti qaltaniti sorio dabaani ufiraa baasanile qala. Sorioni suni guddo qulqullo.

²⁶Qaallichi hori suni baasu ha fulla qulqullooti nyaatu, d'aatu Waaro Woyyumati.

²⁷Wonti sorio suni tuqe ch'ufti qulqullo taati, ammalle hojja waan woya fakaata tokole d'iigi hori suni iti t'iniqe woya suni fulla qulqullooti miich'u malani.

²⁸Okote faara ta fooni suni keesati d'aabanile ch'absu malani, ammalle yo eele sibiila taatele eele suni rigani aka dansa d'iqu malani.

²⁹Nami d'iira, ka worra qaallu keesa jiru ch'ufti, yo fed'e dandae nyaata; sagaleeni suni guddo qulqullo.

³⁰Ammo hojja fulla qulqullooti aka sorio dabaani nama araaramani tolchani, hori suni nyaachu himmalle, gubu malani.