Read BORANA BIBLE – KITAABA WAAQA Yeremia 1 Bible Online

Yeremia 1 - BORANA BIBLE – KITAABA WAAQA bible

Yeremia 1

¹Tunini dubbi Yeremia, ilma Hilkia, qaallicha toko, ka dira Anathothi, lafa Benjamini keesa.

²Bara Yosiani, ilmi Amoni, hayyu Yuda, ganna kud'ani sadeeso ka mootuma isaa AABBO Waaqi Yeremiani dubbate.

³Ammalle gaafa Yehoiakimuni, ilmi Yosia, hayyu Yudale dubbateeni. Eegi sunile AABBO Waaqi maro heddu isaani dubbate, haga ganna kud'ani tokeeso, ka Sedekia, ilmi Yosia, lafa mohate. Jia shaneeso ka ganna suni, worra Yerusalemu boojiani.

⁴AABBO Waaqi waan nani jed'e,

⁵Anini ato si inuuminu si fohad'e, ato atini ind'alatinu koba si baase, raaga gosa ch'ufaa si tolche.

⁶Jennaani anini waan jed'eeni, AABBO Waaqa gudda, me ilaali, anini ijoolle, dubbi imbeekhu.

⁷Ammo AABBO Waaqi waan nani jed'e, Anini ijoolle injed'ini beeni, nama anini iti si ergu ch'ufa d'aqi, waan anini jed'i siini jed'u ch'ufa iti himi.

⁸Anini si woliini jira, woma insodaatini, anumati si qorqorata. Nami waan kana jed'e ana, AABBO Waaqa!

⁹Jennaani AABBO Waaqi harka d'eerefate, afaani na tuqe waan nani jed'e, me ilaali, anini dubbi afaani keesa si kaya.

¹⁰Anini arra lafafi gosa keesa teetu ch'ufa harka keetiti kenna, aka atini buqifte qaarifte, balleesite, dabsatte, ijaarte oobruti.

¹¹AABBO Waaqi, Yeremia, atini maani agarta? Jed'e na gaafate. Anini waan jed'eeni, Anini dame qolaati arge.

¹²AABBO Waaqi waan nani jed'e, D'uguma baanta, Anini dubbi tiyya eeguu jira aka isiini guutamtu.

¹³Jennaani AABBO Waaqi ammalle naani dubbate waan jed'e, Waan kana male maani d'ibi agarta? Anini waan jed'eeni okote mirga ejitu, ta bisaani keesaa woch'ani, ta diquma garana inqariini arge.

¹⁴Inni waan nani jed'e, Badiini mirgaa gabaafate nama lafa tana keesa jiru ch'ufa qabati;

¹⁵wonti akanatiifi anini gosa mirga teetu ch'ufa, koota jed'e yaamuu jira. Hayyooti worraa barch'uma isi fullo Yerusalemutifi d'aatu naabo isaatifi d'aatu dira Yuda d'ibile ch'ufa d'ad'aabatti.

¹⁶Anini gumi tiyya ingaargalcha, waan worri nati ch'ubbamefi. Worri na lakise, waaqa d'ibii sorio baase, waaqa harkaani boch'ani mid'aafate kad'ate.

¹⁷Ammo atini mart'ifad'i, kurfefad'i, beeni, waan anini, Jed'i siini jed'u ch'ufa worrati himi. Amma worra insodaatini, yokhaani anini gaafa atini worra woliini jirtu hagasi ira si sodaachisa.

¹⁸Yeremia, ch'aqasi! Nama lafa tana keesa jiru ch'ufti — hayyoota Yuda taanaani, jaarole taanaani, qaalole taanaani, gumile taanaani — ch'ufti siini morka. Ammo arra jabeenna atini worraani dabsatu sii kenna. Atini dira jabeesani jaaranifi utuba sibiilatifi naabo sibiila diimani mid'aasani fakaata. Worri si indabsatu, wonti akanatiifi anati si qorqorata. Nami dubbi tana jed'e, ana AABBO Waaqa.