Read BORANA BIBLE – KITAABA WAAQA Yeremia 6 Bible Online

Yeremia 6 - BORANA BIBLE – KITAABA WAAQA bible

Yeremia 6

¹Worra Benjamini, baqad'a, lubbu ufi baasa! Yerusalemu keesaa baqad'a! Tekoa keesa magalata d'aa, Beth-Hekeremu keesa goola ibidaa old'aaba. Waan hamtufi badiini gara mirgati d'ufuu jirti.

²Diri Sioni mid'aaga, ammo imballeesani,

³hayyooti achiti waaro d'aabati, duula ufi woliini. Worri dira marse fulla, fed'uti waaro d'abate,

⁴waan jed'u, Yerusalemu had'iisa kurfaa! Kurfefad'a, nu guyya guddaani haana! Ammo duuba eege waan jed'ani, ya ture, lafti ya galgaloofte, gaadisi galgalaleeni ya d'eerate.

⁵Nu halkaniini haane, fulla dira suni jajabdu balleesina.

⁶AABBO Waaqi guddaani waan jed'u, Mukha ch'ira, waan ira ejaanjitani dira Yerusalemutini haatani jaarad'a, Dira kana balleesu malani, waan nami isa keesati guddo woli dabseefi.

⁷Akuma eeli bisaani qullo maddu akasuma Yerusalemuni hameenna isii hama madditi. Dira suni keesati waan nama woldide woli balleesu d'agayani — wonti anini keesati argu madaafi d'ukuba.

⁸Worra Yerusalemu, wonti kunini ha gorsa isanii taatu, yokhaani anini isani biraa deeme dira keesani lafa gamooji ta nami keesa inteenne, tolcha.

⁹AABBO Waaqi guddaani waan nani jed'e, Akuma oobru zabibu mid'aani ch'ufa iraa guurani, akasuma Israeli waan isiini qabdu ch'ufa iraa guurani. Akasuma isanileeni, ato qoomni qabdanu, haga dandeetani nama baasu maltani.

¹⁰Anini waan jed'eeni, Eenuti na jalaa qaba, yo anini worraani dubbad'e gorse? Worri mata jabaate, dubbi tante ch'aqasu didde; worri dubbi tante goyeese kobla.

¹¹Dallansuuni atini worrati dallantu nale gubde, obsa na d'owarte, ee AABBO Waaqa. Jennaani AABBO Waaqi waan nani ned'e, Anini dallansu tiyya ijoolle kara keesa teteetufi kaima wolti bahuti buusa. D'iirsaafi niiti fuud'ani, jaarole hobaatele itiini d'aabatani.

¹²Maneeni worraa nama d'ibii kennani, oobrufi nad'eeni worrale akasuma kennani. Anini worra lafa tanaa gaargalchu fed'a.

¹³Nami ch'ufti, diqaafi guddaleeni kara dabaatini beese horachu fed'a; raagootafi qaaloleleeni sobde biyya dabsiti.

¹⁴Worri aka waan madaani worra kiyya tararo woi taate, lafa nageenni bad'aad'a jed'a, ka ufiftu nageenni injirre.

¹⁵Worri waan hamtu kana tolche jennaani ya ch'eere? Hiyo, worri diqole inch'eere, fuuli worraa diqole ingolgolomne. Tanaafi akuma nami duri bade, worrileeni bada; gaafa anini worra gaargalche, muummeeni worraa suni. Nami dubbi tana jed'e ana, AABBO Waaqa.

¹⁶AABBO Waaqi waan gumi isaatini jed'e, Fulla woldeenna karaa ejaanja wo ilaala kara dullachaafi kara iraa dansa gaafad'a! kara suni gula yaa, nagaya argattani. Ammo worri waan jed'e, Hiyo nu kara suni gula iyyaanu.

¹⁷Jennaani AABBO Waaqi nama qonqo magalata eegu tolche. Ammo worri waan jed'e, Nu inch'aqamnu.

¹⁸Tanaafi AABBO Waaqi waan jed'e, Gosa ch'ufa, ch'aqasa, waan gumiini tiyya taatu arga.

¹⁹Ee lafa ch'aqasi! Waan worri woi malateefi anini badi itiini d'ufa; wonti akanatiifi worri dubbi tiyya dide seera kiyya ch'abse.

²⁰Anini hit'aana worri lafa Shebati fuud'e naa d'ufunifi qayya lafa fago ka worri naa d'ufuuni maani iraa qaba? Anini waan worri naa baasu dide, sorio worrale jibba.

²¹Tanaafi anini worra kana gufachiise buusa. Abbootifi ilmaani gugufatte, jaalanifi nami alaaleni hobaa.

²²AABBO Waaqi waan jed'u, Me ilaala, duuli mirgaa d'ufuu jira; gochiti jabduuni fago teetu lola kurfefachuu jirti.

²³Worri t'iyaafi woraana ufi fud'ate, ka hameenna male diqole naasu inqamne d'ufuu jira. Worri aka d'awa baariini dibbisa; yo farda isani yaabate ga d'ufu. Worri ya lola kurfae, Yerusalemu had'u d'ufe.

²⁴Worri Yerusalemu waan jed'u, Nu odu worraa ya d'ageenne. Naasuuni ya harka nuraa jissite, woma fuud'u nu d'owarte; lalalaafi d'ukubsachani ya nu qabate, aka niiti d'aluu jirtu.

²⁵Nu kara gula, yokhaani ala keesa deemu sodaanna; wonti akanatiifi nyaapi keenna woraana harkaa qaba, moga ch'ufa nu mudamsiisa.

²⁶AABBO Waaqi waan gumi isaatini jed'u, ch'arqi naqad'a, daara keesa gangalad'a. Akuma ilma tokocha bohani, laalefad'a, boha, wonti akanatiifi nami isani balleesu fed'u tassa isaniti d'ufe isani had'a.

²⁷Ee Yeremia, akuma sibiila ilaalani gumi tiyya ilaali, waan isiini keesa jirtu hubad'i.

²⁸Worri ch'ufti ya mata jabaate, na dide; mata jabeenni worraa akuma sibiila diimatifi guraacha jira. Worri ch'ufti nama waan hamtu tolche, fulla ch'ufaa yae nama nyaatu.

²⁹Buufaani guddo ibida buufa aka akasiini sibiila gubani, ammo worra kiyya qulqulleesitini woma imbaatu, wonti akanatiifi ch'ubbuuni worra keesaa imbaamne.

³⁰Worra sunini, booru woma keesa injirre jed'aniini, wonti akanatiifi anini, AABBO Waaqi, ya worra dide.