Read BORANA BIBLE – KITAABA WAAQA Yeremia 7 Bible Online

Yeremia 7 - BORANA BIBLE – KITAABA WAAQA bible

Yeremia 7

¹AABBO Waaqi Fulla fullo Mana Waaqa, ta worri Yuda ch'ufti kad'acha oliini seenuti, na erge waan nani jed'e, Achi eji, waan AABBO Waaqi guddaani Israeli jed'u biyyati himi: Kara isani keesati fidamtanifi huji teesanile jijira, duuba anini lafa tana keesa isani teesisa.

⁴Dubbi d'ara tana, ta nami deemu ch'ufti kunini Mana AABBO Waaqa, kunini Mana AABBO Waaqa jed'u, ind'ugeefatina.

⁵Finna keesa jirtani kana jijirad'a, waan tau jirtani kanale lakisa. Woli indabsina, waan dansaa woli tolcha.

⁶Nama gosa teesani intahinifi ilmaani hiyyeetifi nad'eeni hiyyeeyi indabsina. Nama woma iyyakini inijeesiina; Waaqa d'ibile inkad'atiina, wonti sunini isani balleesiti.

⁷Duuba yo isani waan kana taatani, anini lafa duri ababoota teesani d'aala kenneefi keesa isani teesisa.

⁸Me ilaala, isani dubbi d'ara d'ugeefatani gula yaatani.

⁹Isani wohattani, nama ijeeftani, huji sharmut'oma hojatani dubbi woi kakhatani, waaqa Baali jed'ani hit'aana aarsitani, Waaqa duri imbeenne gula yaatani.

¹⁰Isani waan anini jibbu kana tolchitani d'uftani Mana kiyya keesa na dura ejitani duuba waan naani jettani, Nu nagaya qamna!

¹¹Isani Mana kiyya goda hattuuni iti galtu seetani? Anini waan isani tolchitani arguu jira.

¹²Gara Shilo, fulla anini qara fohad'e iti na kad'ad'a jed'e, d'aqa, waan anini maro ch'ubbu gumi tiyya ta Israeliti isi tolche laala.

¹³Isani waan kana ch'ufa tolchitani, ato anini maro heddu isani gorsele na ch'aqasu diddani, anini isani yaamnanile na jalaa owaachu diddani.

¹⁴Tanaafi waan anini qara Shilo tolche amma Mana kiyya kana, ka isani d'ugeefatani tolcha. Arma fulla tana ta anini ababoota teesanifi isanile kenne, akuma qara Shilo tolche tolcha.

¹⁵Anini ila tiyya duraa isani gusse, akuma oboleyaani teesani ta Israeli tolche, isani tolcha. Nami dubbi tana jed'e ana, AABBO Waaqa.

¹⁶AABBO Waaqi waan jed'e, Yeremia, gumi tanaa inkad'atiini. Worraa jette boote Waaqa inkad'atiini; worraa jette na insobatiini, anini si inch'aqasu.

¹⁷Atini waan worri kunini dira Yudatifi kara Yerusalemu keesati tolchu ingartu?

¹⁸Ijoolleeni qoraani guurte, abootini ibida bobeesite, nad'eeni qit'a bukheesiti, aka waaqa worri hayyiti gubba jed'uu kennani. Ammalle worri daad'i waaqa d'ibii d'ibaayu baase, na dallansiise.

¹⁹Nami worri wo tolchu jira d'uguma ana? Hiyo, worri ufuma wo tolche ufi ch'eersu jira.

²⁰Tanaafi anini, AABBO Waaqi guddaani, dallansuuni mana kana balleese, namaafi saale, mukhaafi mid'aanile, gube balleesa.

²¹Gumi tiyya, isani sorio gari gubbdani hobaaftani, ammo ta gari dandeetani nyaatani. Ammo anini, AABBO Waaqi, waan jed'u, Ato ch'ufa nyaatinile womaniti.

²²Anini gaafa duri lafa Misiri keesaa ababoota teesani baase, waan sorio gubanitifi sorio d'ibile seera womatu worraa inkennine.

²³Ammo seera kana kenneefi: Dubbi tiyya guuta, duuba anini Waaqa keesani tahe, isani gumi tiyya taatani. Kara anini isani garsiise gula deema, duuba wonti ch'ufti isanii tolti.

²⁴Taatule worri dubbi tiyya inguunne, yokhaani nale inch'aqamne, ammo worri mata jabeenna ufitifi herega ufi hama gula bahe, fulla sila goomu iraa hamatani.

²⁵Haguma gaafa duri ababooti teesani lafa Misiritii baate haga arrale, anini takaa raaga isaniti ergu illakimne.

²⁶Taatule nami tokoleeni ch'aqase na jalaa inqamne. Isani ababoota teesanile ira mata jabaatani na ch'aqasu diddani.

²⁷Tanaafi Yeremia, dubbi tana ch'ufa gumi tiyya iti himi, ammo ato himtele worri si inch'aqasu; atini worra yaamta ammo worri si jalaa inowaatu.

²⁸Duuba atini waan worraani jettu, Isani gosa dubbi AABBO Waaqatifi gorsa isale diddu; d'ugaani ya lafa keesaa badde, nami waan isii dubbatu injiru, deebianile inqaabatani.

²⁹Rifeensa keesani haada gata; gaareeni gubbati faaru boha d'awad'a, wonti akanatiifi anini AABBO Waaqi ya dallane gumi tiyya lakise lafa buuse.

³⁰Worri Yuda ya waan hamtu na durati tolche, worri waaqa isaani ka harkaani boch'ani, ka anini jibbu, mana kiyya keesa kaye akasiini t'ureese.

³¹Bale Hinomu keesa waan sorio irati baasani ka Tofethi jed'ani jaare, aka ilmaani worraa ta d'iiratifi ta dubraa gubani sorio baasani. Anini waan kana tolcha worraani injenne, yokhaani herega akasile takaa inqabaanne.

³²Tanaafi eegad'a, guyyaani ind'ufa ka deebiani Tofethi yokhaani Bale Hinomu deebiani injenne, ammo bale goraasu jed'aniini. Worri achiti nama awaala, wonti akanatiifi fullaani iti nama awaalani d'ibiini injirtu.

³³Reefi sunini sagale allaatitifi bineensa ala taha, nami iraa d'owuleeni injiru.

³⁴Anini dira Yudatifi kara Yerusalemu keesa, qonqo gammadaatifi ta qilit'ama, yokhaani gammada guyya fuud'a balleese, lafale duwa tolcha.