Read BORANA BIBLE – KITAABA WAAQA Ezekieli 21 Bible Online

Ezekieli 21 - BORANA BIBLE – KITAABA WAAQA bible

Ezekieli 21

¹AABBO Waaqi na yaame waan nani jed'e,

²Namicha, Yerusalemufi fulla woyyu ta nami woi iti kad'atule ch'ufa abaari.

³Waan lafa Israelitini jettu, AABBO Waaqi waan jed'u, Anini ya siti nyaape. Anini goraade tiyya qalqala keesaa fud'ad'e, nama kanke hamafi dansale ch'ufa fit'a.

⁴Anini mirgaa fuud'e bitaati d'aabe, nama lafa keesa jiru ch'ufa goraade tiyyaani fit'a.

⁵Nami ch'ufti aka anini, AABBO Waaqi, eegi goraade tiyya qalqala keesaa baase iti indeefanne beekha.

⁶Namicha, aka waan laalefate onneeni si ch'ite waad'i. Fulla nami ch'ufa sii argu ch'iisi, laalefad'i, waad'i.

⁷Yo worri si gaafate, Atini maafi teete waata sini jed'e, waan jettuuni, waan isaniti gadeematifi tae waad'a, jed'i. Gaafa wonti sunini worrati d'uftu, worri nahe holate, harki worra, iraa jige, lubbuuni worra d'ufte, jilbi worraleeni kakise wold'aa. Guyyaani ya ala hobae, kuno kana. Nami dubbi tana jed'e AABBO Waaqa gudda.

⁸AABBO Waaqi waan nani jed'e,

⁹Namicha fagi, waan biyya tanaani jettu, Waaqi waan jed'u, Goraade, goraade qarani bibilisani.

¹⁰Isi qarani, namaani ijeesani, qarti isii aka angaasu bilit'i. Gammadi injiru, waan gumiini tiyya gorsaafi ule tiyya d'agayu diddeefi.

¹¹Goraade yayu qarani addeesani hujii kurfeesani, isi yayu qarani addeesani, harka nama nama ijeesuti kennani.

¹²Namicha, bohi, ooi; goraadeeni tunini ta gumi tiyyaafi jaarole Israeli ch'ufaani balleesani. Jaarole sunifi gumi tiyya woliini fit'ani. Laalefad'i, mata qabad'i!

¹³Anini gumi tiyya ilaalachu jira, yo worri iraa deebiu dide wonti kunini ch'ufti worra qabati.

¹⁴Namicha, amma woi fagi, harka d'ai, duuba goraadeeti maro heddu nama ch'ira. Isiini nama ijeefte, nama mudamsiifte, namale qaqalti.

¹⁵Duuba akasiini gumiini tiyya ufi jibbaate gugufati. Anini dira worraa goraade aka angaasu bibilit'u, ta nama ijeeftuni, mudamsiisa.

¹⁶Ee goraade qara qabdu, mirgaafi bita d'ai, gara fuula deefatu nama gargari ch'iri.

¹⁷Duuba aninileeni harka d'ae, akasiini dallansuuni naraa galti. Nami dubbi tana jed'e ana, AABBO Waaqa.

¹⁸AABBO Waaqi na yaame waan nani jed'e,

¹⁹Namicha, kara lama, ka hayyuuni Babiloni goraade ufi fud'ate gula d'ufu, akheekhaani garsisi. Karaani sunini lachu ha lafa taka keesaa bahuti. Fulla karaani iti gargari bahu mukha lama muri kara suni lachu d'ad'aabi.

²⁰Mukhi sunini toko kara dira Amoni ka Raba jed'ani hayyu garsiisa, kaani dira Yerusalemu ka jabeesani jaarani, ka lafa Yuda keesa jiru, garsiisa.

²¹Hayyuuni Babiloni fulla mukha d'ad'aabani ka karaani iti gargari bahu taani eje, t'iya argufe, waaqa isaa ka d'ara kaani kad'ate, tiru hori sorio qalani laala, aka akasiini kara gula deemu male beekhu.

²²Jennaani harki isaa mirgichi t'iya Yerusalemu garsiiftu fuud'e. T'iyiti sunini, wonti isiini isa garsiiftu, aka inni waan balbala fullo diratini ch'absu mid'aase, hobaati duula labse, waan balbalaani ch'absani kaani d'aatu balbala kaye, boola qote biyye olbaase diraani marsu.

²³Ammo worri Yerusalemu waan kana ind'ugefatu wonti akanatiifi worri qara worraani wolti kakhate aka nagayaani woliini taani. Ammo wonti fagani kunini ch'ubbu worraa worra qaabsifte, aka worra qabanile beesifti.

²⁴Duuba wonti anini, AABBO Waaqi guddaani, jed'u tana: ch'ubbu teesani ya mullisani, nami ch'ufti ya wollaala keesani arge; isani ch'ubbu teesani waan hojattani ch'ufaani la garsiiftani. Tanaafi wollaali keesani ya mullate, aninileeni amma harka nyaapa keesaniti isani kenna.

²⁵Hayyu ch'ubbicha hama Israeli, guyyaani si balleesani ya alaa hobae,

²⁶Dubbini anini, AABBO Waaqi guddaani, jed'u tana: Sureefi ruufa hayyule baafad'i, wonti ch'ufti gara galte aka d'ibi taati. Nama irre inqamne guddisa, ka irre qabu qanch'arsa.

²⁷La bade, la bade! Ee, anini dira kana imballeesa. Ammo wonti kunini haga anini nama toko ka dira kana balleesu fohad'uti intaatu. Duuba anini dira kana isaa kenna.

²⁸ Namicha, woi fagi, waan anini, AABBO Waaqi guddaani, worra Amoni, ka worra Israeli arabsuni jed'u, iti himi waan jettuuni: Goraade namaani fit'ani, ta qarani addeesani aka angaasu bibilit'u, ya kurfeesani.

²⁹Daayyani isani agartani tunini d'ara, wonti isani agartani kunileeni kiyyiba. Guyyaani isani balleesani ya alaa hobae. Goraadeeni d'iotu d'ufte mata isani iraa ch'irti.

³⁰Goraade qalqalti deefad'a! Fulla iti isani uumani lafa isani keesati d'alatani keesati wollaala isaniti mura.

³¹Yo anini aka ibida isaniti bobae, dallansu tiyya agartani. Ammalle anini harka nama naasu inqamne, ka aka male nama fit'uti isani kenna.

³²Ibidaani isani balleesani, lafa teesani keesati d'iiga keesani jissani, nami tokoleeni deebie isani inqaabatu, Nami dubbi tana jed'e AABBO Waaqa.