Read BORANA BIBLE – KITAABA WAAQA Ezekieli 3 Bible Online

Ezekieli 3 - BORANA BIBLE – KITAABA WAAQA bible

Ezekieli 3

¹ Waaqi waan jed'e, Namicha, hod'i, woraqata kana nyaad'i, d'aqi, worra Israeliti dubdad'i.

²Duuba anini afaani bane, inni woraqata nyaad'i nani jed'e kaani naa kenne

³waan nani jed'e, Namicha, woraqata anini sii kenne kana nyaad'i, garaa guutad'i yo anini nyaad'e, woraqati kaani aka damma miaa.

⁴Jennaani Waaqi waan jed'e, Namicha, gara worra Israeli d'aqi waan anini sini jed'e ch'ufa worrati himi.

⁵Anini gosa d'ibi afaani jajabo nami ind'ageenneti si inergu, ammo gara gosa Israeli si erga.

⁶Yo anini sila gosa jajabdu, afaani jajabo, atini ind'ageenne dubbatuti si erge worri si d'agaya.

⁷Ammo worri Israeli tokoleeni si ind'agayu, nale ind'agayu. Worri ch'ufti mata jajaba, waan nami dandauniti.

⁸Anini amma sile aka worraa mata jabeese, nama nami indandeenne tolcha.

⁹Anini adda tante aka d'akha jabeese aka sibiila si tolcha; worra na dide nyaapa nati tae kana insodatini.

¹⁰Ammalle Waaqi waan jed'e, Namicha waan anini siti hime kana aka dansaa mid'aafad'i, qalbeefad'i.

¹¹Duuba worra gosa tanteeti, ka boojiani lafa d'ibi jiru, d'aqi, waan anini, AABBO Waaqi, worraani jed'u iti himi, yo worri si ch'aqaseefi ch'aqasu baatele.

¹²Duuba lubbuuni Waaqa oli na fuute. Jennaani qonqo guddo toko ta, guddinna AABBO Waaqa gubba jiru faarsa, jettu ufi duubati d'agaye.

¹³Wobbeesa koolatifi girreesa miila kaani, ka aka lafa chochootu dibbisu, d'agaye.

¹⁴Irreeni AABBO Waaqa humna guddoni nati d'ufte, ato lubbuuni isaa oliini na deemtu anini aka male dallane garaa hammaad'e.

¹⁵Duuba akanaani anini Telabibu, ta d'aatu galaana Kebari jirtu, fulla worri boojiani kaani jiruni bahe. Duuba bulti torba arti bule, wonti anini arge d'agaye sunini na mamsiifte, akanumati na bakhasite.

¹⁶Bultini torbaani taani dabarte jennaani AABBO Waaqi waan nani jed'e,

¹⁷Namicha, anini nama gosa Israeli eegu si tolcha. Gorsa anini siti himu kana jabeesi himi.

¹⁸Yo anini ch'ubbicha yaame, Atini indoota jed'eeni, ka atileeni isa yaamte, kara kanke hama kana iraa deebii, hegeri indoota jette ingorsini, inni dabuma suni keesa dua, duuba anini duisa isaa suni si qabad'a.

¹⁹Ammo yo atini ch'ubbicha suni gorsite, inni daba lakisu dide, inni dabuma suni keesati dua, ammo atini lubbu tante imbaafta.

²⁰Yo nami d'ugaa d'uga lakise waan hamtu gula bahe aninileeni waan hamtu isa tolche, inni yo atini ingorsini indua. Inni waan hameenna tolcheefi dua — dansuma duri inni tolche tokole inhereganifi, duuba anini duisa isaa kanale si qabad'a.

²¹Yo atini nama dansa daba intolchini jette gorsite duuba inni si d'agae daba tolchu dide inni induu, sile iniijeesani.

²²Anini jabeenna AABBO Waaqa arge isa kai, bale d'aqi, achiti siini dubbad'a jed'u d'agaye.

²³Jennaani anini bale suni d'aqe, achiti guddinna AABBO Waaqaa, akuma anini qara d'aatu galaana Kebariti arge kaani arge. Duuba anini jige addaani lafa d'ae,

²⁴jennaani lubbuuni Waaqa na seente oli na fuute, AABBO Waaqi waan nani jed'e, Namicha, beeni gali mana seeni, ufiti ch'ufi.

²⁵Duuba achiti haadani si hid'aani biyyati gabahu si d'owani.

²⁶Anini araba si hid'e, atini worra na dide kana gorsu dad'abda.

²⁷Duuba hojja anini ammalle sini dubbad'e araba si hiikhe, waan anini, AABBO Waaqi guddaani, jed'u worrati himta. Nami ch'aqasu ha ch'aqasu, nami inch'aqamne ha tauti.