Read BORANA BIBLE – KITAABA WAAQA Ezekieli 5 Bible Online

Ezekieli 5 - BORANA BIBLE – KITAABA WAAQA bible

Ezekieli 5

¹AABBO Waaqi waan jed'e, Namicha, haadu qara qabdu fud'ad'i areedaafi mata keetile ch'ufa haadi. Duuba rifeensa suni misana irati biimi, fulla saditi gargari qoodi?

²Qooda toko, eegi nyaapi dira marse kaani kae gale, dira keesati gubi, tokole, ato dira keesaa baate lafa martu, goraadeeni ch'iri. Ka hafe kaanile qilleensa keesati firfirsi, anati goraade tiyyaani faana deeme ch'ira.

³Rifeensa diqa toko hambisi, handaara woyaati hid'ad'i.

⁴Duuba diqa toko keesaa fuud'i, ibida keesa buusi, ha gubatuti. Duuba rifeensa suni ira ibidi bahe gosa Israeli ch'ufa qabata.

⁵AABBO Waaqi guddaani waan jed'e, Yerusalemu ta anini jiddu lafa ch'ufa kae, lafti d'ibiini marsite laali.

⁶Ammo worri Israeli ch'ufti seera kiyya dide, gosa d'ibi ta lafa worraa d'aatu jirtu ch'ufa ira ch'ubbame, dubbi tiyya dide. Worri akanaani seera kiyya ch'abse dubbi tiyyale gula deemu dide.

⁷Ammo worra Yerusalemu waan anini, AABBO Waaqi guddaani jed'u ch'aqasa. Waan isani aadaafi seera kiyya guutu diddaniifi isani gosa d'aatu teesani teetu ch'ufa ira woi yakitani, ammalle aada gosa d'ibi gula yaatani.

⁸Tanaafi anini, AABBO Waaqi guddaani, waan isaniini jed'u, Anini amma nyaapa keesani. Anini ato gochiti ch'ufti agartu gaargala isanitini d'ufa.

⁹Waan isani waan anini jibbu tolchitaniifi, anini dira Yerusalemu waan taka intolchinifi waan deebie intolchinele tolcha.

¹⁰ Maro waan kanatifi worri Yerusalemu ilmaani ufi nyaate, ilmaanileeni worra isaani nyaati. Anini isani gaargalche, nama keesani ka lubbuuni baheele lafa ch'ufa keesa gara ch'ufa firfirsa.

¹¹Tanaafi anini, AABBO Waaqi guddaani, kakhad'e waan jed'u, waan isani mana kiyya qulqullo waan hamtu keesati tolchitani t'ureesitanifi, naasu male isani balleesa.

¹²Nami keesani hagi toko beelafi d'ukubaani dira keesati hobaa; hagi toko dira keesaa bahe alati goraadeeni gatani; duuba ka hafele gara ch'ufa gargari firfirse, gula deeme goraadeeni balleesa.

¹³Akasiini eegi haalo baafad'e, dallansuuni naraa galte. Duuba eegi wonti kunini ch'ufti taate, aka anini, AABBO Waaqi, isaniini dubbad'e beetani, waan anini maro ch'ubbu teesanitifi guddo isaniti dallaneefi.

¹⁴Nami gosa d'ibi, ka d'aatu teesani bahu ch'ufti, isani goyeese isani ira fagaata.

¹⁵Hojja anini aka male isaniti dallane isani gaargalchu, gochiti d'aatu teesani jirtu ch'ufti mudamte, isani tufate isani goyeesiti.

¹⁶Anini sagale isani iraa kute, garaachani isani hobaasa. Beelti suni aka t'iya isani fit'i.

¹⁷ Anini beelafi bineensa ala ka ijoolle teesani fit'u isaniti erge, d'ukuba hamafi woraani isaniti d'ufe isani balleesa, Nami dubbi tana jed'e ana, AABBO Waaqa.