Read BORANA BIBLE – KITAABA WAAQA Ezekieli 6 Bible Online

Ezekieli 6 - BORANA BIBLE – KITAABA WAAQA bible

Ezekieli 6

¹AABBO Waaqi na yaame waan nani jed'e,

²Namicha, fuula kanke gara gaara Israeli deefad'i, dubbi tiyya tana iti himi,

³waan jettuuni, Isani gaareeni Israeli, waan AABBO Waaqi guddaani jed'u, d'agaya. AABBO Waaqi guddaani waan kubileefi gaareenifi godaafi baleeni jed'u, Dubbi tiyya d'agaya. Anini fulla nami waaqoota d'ara iti kad'atu woraana iti erga.

⁴Aka waan sorio irati baasanifi fulla hit'aana keesati aarsanile ch'ach'absani butuchani. Ammalle nama achi jiru suni ch'ufa Waaqoota worra suni durati fit'ani.

⁵Anini reefa worra Israelille firfirse, lafele worrale d'aatu waan sorio irati baasaniti jissa.

⁶Dira Israeli ch'ufa balleesani, fulla worri sorio irati baasufi waaqoota worrale ch'ufa tumani butuchani, waan worri hit'aana iti aarfatule ch'ach'absani, waan worri mid'aafatu ch'ufa d'id'iimati d'aani.

⁷Nama fulla ch'ufati fit'ani, nami waan suni jalaa bahu aka anini AABBO Waaqaa beekha.

⁸Anini nama gari woraana jalaa baase, duuba worra suni lafa ch'ufa keesa firfirsani,

⁹worri achuma taa. Achiti worri na qaabate aka anini worra gaargalche ch'eerse beekha; wonti akanatiifi worri na lakise Waaqoota d'ara gula bahe Waaqa suni nara jaalate. Ammalle worri maro ch'eera d'abe waan hamtu taheefi ufi jibba.

¹⁰Duuba worri aka anini AABBO Waaqaa beekhe, ammalle aka gorsi anini worra gorseleeni d'uga arga.

¹¹AABBO Waaqi guddaani waan jed'e, Harka raraasa, lafa d'id'iita, maro waan ch'eera hamtu worri Israeli taheeti jed'a boha. Worri woraanafi beelafi d'ukubaani raawata.

¹²Nami fago jiru fayyad'abe raawata; ka d'io jiru woraanaani hobaa; ka waan suni jalaa bahuleeni garaachani hobaa. Akanaani worri aka dallansuuni tiyya hamtu arga.

¹³Reefa worra fulla worri waaqoota isaani iti kad'atuufi fulla sorio irati baasanifi kubileefi gaareeni ch'ufa gubbaa, mukeeni dodotifi mukeeni gugurdole ch'ufa jalati firfirsani, fulla worri Waaqoota ufiiti sorio iti qalu ch'ufati. Duuba akanaani nami ch'ufti aka anini AABBO Waaqa beekha.

¹⁴Ee, anini harka kiyya olfud'ad'e, lafa worrale ch'ufa balleese, lafa gamooji ta bitaati fuud'e, dira Ribla ka mirgati d'aabe, ona tolche, ammalle nama Israeli ka keesa jiru ch'ufa bahu d'owa. Duuba akanaani nami ch'ufti aka anini AABBO Waaqa beekha.