Read BORANA BIBLE – KITAABA WAAQA Yoeli 3 Bible Online

Yoeli 3 - BORANA BIBLE – KITAABA WAAQA bible

Yoeli 3

¹AABBO Waaqi waan jed'u, Gaafasi anini worra Yudatifi ka Yerusalemu finnuma worraa dansa qarati deebisa.

²Anini gosa ch'ufa wolti baase, Bale Qorsumatiini d'ufe, achiti maro waan worri gumi tiyya tolchetiifi worra qora. Worri worra Israeli lafa gosa d'ibiti gargari bitineese, lafa tiyya ta Israelile gargari qoode.

³Worri hit'a buuse, gumi tiyya qoodate; ijoolle d'iiratiifi ta dubrale aka tisse gurgurani, sharmut'afi daad'iini bitatani.

⁴ Maal naraa feetani worra Tirotiifi ka Sidonitiifi ka arda Filisti? Haalo na baafachu feetani? Yo isani haalo baafachu feetani, anini maro tokotu arrifad'e haalo isani baafad'a!

⁵Isani qarsifi worqi tiyya fud'attani waan guddo anini olkeyad'e ch'ufa maneeni waaqoota teesaniti geefattani.

⁶Isani ya worra Yudatifi ka Yerusalemule fageesitani gosa Grikiti gurgurtani.

⁷Anini ammatana lafa isani worra iti gurgurattani suni keesaa worra baase waan isani worra tolchitani isani tolcha.

⁸Anini ilmaani teesani ta d'iiratiifi ta dubrale worra Yudati gurgure, worrileeni gosa Sheba ta fago jirtuti gurgura. Nami dubbi tana jed'e ana, AABBO Waaqa.

⁹Dubbi tana gosa ch'ufati hima: Had'iisa kurfefad'a; nama duulaa wolti yaama; nama keesani ka lolaale ch'ufa wolti yaama, woma ineegiina, lola d'aqa jed'a.

¹⁰ Maraasha fuud'a, tumtuti geesa, ha goraade tumtuti; haamtule fuud'a, iti geesa, ha woraana tumtuti. Daafanaleeni ha janna ufiini jed'uti.

¹¹Isani gochiti d'aatu jirtu tunini ch'ufti hurrisa koota, artiti wolti baha. Ee AABBO Waaqa, duula kanke ergi, worra had'i.

¹²Gochiti ha kurfoofte, Bale Qorsumati d'uftu. Achiti anini tae gosa d'aatu jirtu ch'ufa qora.

¹³ Mid'aani ya bilchaatani; haamtuuni haama. Fullaani daad'i iti mid'aasani ya mid'aani zabibutiini guutamte; koota, mid'aani suni ch'ach'arasa. Waan gochiti ch'ufti ch'ubbu guddo tolchiteefi, worrale akuma mid'aani suni tolchani.

¹⁴Nami gumiini muumme inqamne ya Bale Qorsuma keesati wolti bahe. Achiti guyyaani AABBO Waaqaa d'ioti d'ufa.

¹⁵Adufi jiileeni dukanae, urjini deebite inifsitu.

¹⁶ AABBO Waaqi Sioni ira mandie lalaba; qonqo isaa Yerusalemu keesati d'agayani; lafafi gubbaleeni chochoote. Ammo inni gumi ufii jabeese, worra Israeli qorqorata.

¹⁷Duuba isani aka anini AABBO Waaqa keesani, ka gaara kiyya qulqullo Sioni ira tau, akasiini beetani. Yerusalemuni dira qulqullo taha; nami gosa d'ibi deebie had'e indabsatu.

¹⁸Gaafasi gaareeni mukha zabibu baaftu daad'iini iraa jidde, kubile aanaani iraa lolaani; lagi lafa Yuda ch'ufti iyyaa. Madditi Mana Waaqa keesaa yaate Bale Shitimuti naqati.

¹⁹Lafti Misiri lafa aloo taate, lafti Edomuleeni lafa onte badde taati, waan worri lafa Yuda had'e, nama worraa ka woma iyyakiiniti fit'eefi.

²⁰Anini worra fit'ani suni haalo baasaafi, Worra worra fit'e suni illakisu. Ammo Yudafi Yerusalemu haga jiru jireenna namati qubate keesa taa. Anini, AABBO Waaqileeni, gaara Sioni gubbati gala.