Read BORANA BIBLE – KITAABA WAAQA Amosi 2 Bible Online

Amosi 2 - BORANA BIBLE – KITAABA WAAQA bible

Amosi 2

¹ AABBO Waaqi waan jed'u, Worri Moabu ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri lafele hayyu Edomu gube daara tolche.

²Tanaafi anini amma ibida lafa Moabu keesa buuse, ibida suniini maneeni jajabdu ta dira Keriothi guba. Worri Moabu gohanna lolaa keesa hobae, ka askartiini iyyite magalata d'ooftu.

³Anini hayyu Moabu ijeese jara lafa suni gugurdale ch'ufa fit'a.

⁴AABBO Waaqi waan jed'u, Worri Yuda ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri ya seera kiyya dide aada tiyyale lakise. Waaqooti d'ara, ta ababooti isaani kad'ate, ya worra kara iraa gorse balleese.

⁵Tanaafi anini amma ibida worra Yuda keesa buuse, ibida suniini maneeni jajabdu ta dira Yerusalemu gube balleesa.

⁶AABBO Waaqi waan jed'u, Worri Israeli ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri nama d'uga hiyyeesa, ka dandae kobe gati fuud'ele imbaamne, aka tisse gurgure.

⁷Worri nama lalaafa woma indandeenne ira ejaanjate mamach'arse, hiyyeesale darbe kara iraa gorsa. Abbaafi ilmi intala takaani rafani, akanaani maqa kiyya qulqullo t'ureesani.

⁸Fulla sorio baasani iti kad'atani ch'ufati worri woya qabdo ta hiyyeesa iraa qabateeni rafe Mana Waaqa isaani keesa daad'i nama gati worraa qabu iraa d'uga.

⁹ Ammo, gumi tiyya, anini worra gosa Amori, d'ed'eera aka mukha hind'eesa, jajaba aka mukha ejersa, isanii jed'e daara d'owe balleesa.

¹⁰Nami lafa Misiri keesaa isani baase lafa aloo ta gamooji ganna afurtama keesa isaniini deeme, ammalle lafa gosa Amori isanii kenne ana.

¹¹ Anini ilmaani teesani ta gari fohad'e raaga tolche, ta gari worra Naziri ka kakhu kakhatu tolche. Worra Israeli, wonti kuni d'uganiti? Nami dubbi suni jed'e ana, AABBO Waaqa.

¹²Ammo isani worra Naziri suni faarso obaaftani, raagootale wo fagu d'owartani.

¹³Amma anini isani lafati mach'arsa, akuma gaari mid'aani bilchaateeni guutani, t'iit'ani.

¹⁴Nami qolchaleeni imbahu; jabaaleeni jabeenna d'aba. Askartileeni lubbu ufii imbaaftu.

¹⁵T'iyoleeni ejite inhaatu, qolchaleeni baqate imbahu, nami farda yaabatuleeni lubbu ufii imbaasu.

¹⁶Guyya suni askartiini nami jannileeni woraana lafa buuse baqata. Nami dubbi tana jed'e AABBO Waaqa.