Read BORANA BIBLE – KITAABA WAAQA Amosi 8 Bible Online

Amosi 8 - BORANA BIBLE – KITAABA WAAQA bible

Amosi 8

¹AABBO Waaqi daayya keesa woi na agarsiise. Wonti anini arge dadu mid'aani.

²Inni waan naani jed'e, Amosi, maani agarta? Anini waan jed'eeni, Dadu mid'aani arga. Jennaani AABBO Waaqi waan naani jed'e, Muummeeni gumi tiyya ta Israeli ya geete, anini deebie worraa araarame ch'ubbu biraa indeemuufi.

³Guyya suni sirbi mana hayyuti sirbani iyyanna bohaa taha. Ammalle reefa nama heddu fuud'ani ch'alleesaani alati gatani.

⁴Ch'aqasa, isani ka dippata lafa teesani ira ejaanjattani, hiyyeeyi lafa keesaa hobaasu feetani.

⁵Isani waan ufiini jettani, Jilti baati yoomi dabarti? — aka nu mid'aani keenna gurgurru; yokhaani, Sabatoni yoomi dabarti? — aka nu dargaye teenna deebine gurgurru. Duuba yo guyyaani sunini dabre dandeenne gati iti darre waan biimaniini gadiqeesine yokhaani miisana woini biimaniini yakine nama dabsina.

⁶Nu dandeene bua dargaye ta lafa harani gati guddooni gurgurra. Nu hiyyeesa gati baasu indandeenne, yokhaani ka gati kobe salaalale dandae imbaamne, barbaanne bitanne tisse tolfanna.

⁷AABBO Waaqi, Waaqi Yakobo, kakhate waan jed'e, Anini deebie waan hamtu worri tolche inded'u.

⁸Maro waan kanatifi lafti inchochootu? Yokhaani nami keesa tauleeni imbohu? Lafti ch'ufti chochoote, akuma galaana Misiri ka fach'ae deebiu.

⁹AABBO Waaqi waan jed'e, Guyya suni anini adu guyya guddaani d'iisise guyya guddaani lafa dukaneesa.

¹⁰Anini jila teesani boha tolche sirba keesani ka gammada faaru bohaa tolcha. Anini mata keesani isani haadachiise ch'arqi hid'aanati isani naqa, duuba isani worra ilma ufii tokocha due bohu fakaattani. Guyyaani sunini haga muumme laalala jabdu qaba.

¹¹AABBO Waaqi waan jed'u, Guyyaani ind'ufa, ka anini beela lafati ergu. Beelti sunini ta sagaletiniti, d'eebuuni sunileeni ta bisaanitiniti, ammo wonti iti beelaani d'eebotani d'ageeti dubbi Waaqa.

¹²Nami lafa keesa mirgaa bita, ilaborutiifi ila galchu mare fulla ch'ufa dubbi AABBO Waaqaa barbaada, ammo inargatu.

¹³Guyya suni kaima dubraatiifi ka d'iiraleeni d'eebuuni gagaba,

¹⁴ammalle nami waaqoota d'ara ta harkaani mid'aasani ta Samariatini kakhate, ka maqa waaqa Danitiini yokhaani maqa waaqa Beershebatiini kakhatu, imbada, inni deebie inkau.