Read BORANA BIBLE – KITAABA WAAQA Henna 1 Bible Online

Henna 1 - BORANA BIBLE – KITAABA WAAQA bible

Henna 1

¹Guyya qara ka jia lameeso, ganna lameeso ka eegi worri Israeli lafa Misiri keesaa bahe, lafa aloo ta gamooji ta Sinai jed'ani keesati, AABBO Waaqi Waaro Woyyuma keesati waan Musani jed'e,

²Sifi Harunini, worra gosa Israeli, manafi balbala worra isaani gula, heda. Nama d'iira ka

³ganna diddamati oli, ka duula d'aqu dandau ch'ufa, maqa t'aafa.

⁴Hojja huji suni hojattani, nama balbala toko mataa gosa ch'ufa keesa, ka isani wahelchu, fohad'a.

⁵Nami balbala gosa tokoti mataa, ka gosa ch'ufa keesa huji tanaafi gumi Keesaa tohatani, kana: Gosa*t*Jaarsa fohatani Reubeni*t*Elisuri ilma Shedeuri Simeoni*t*Shelumieli ilma Surishadai Yuda*t*Nahashoni ilma Aminadabu Isakari*t*Nethaneli ilma Zuari Zabuloni*t*Eliabu ilma Heloni Efraimu*t*Elishama ilma Amihudi Manase*t*Gamalieli ilma Pedasuri Benjamini*t*Abidani ilma Gideoni Dani*t*Ahiezeri ilma Amishadai Asheri*t*Pagieli ilma Okirani Gadi*t*Eliasafu ilma Deueli Naftali*t*Ahira ilma Enani

¹⁷Musafi Harunini qarqaarsa jara kud'ani lama Kanaani,

¹⁸gumi ch'ufa guyya qara ka jia lameeso wolti yaamini, nama ch'ufa manafi balbala gosa worra gula t'aafani. Maqa nama ganni isa diddama oli ch'ufa hedani t'aafani,

¹⁹akuma AABBO Waaqi Musani jed'e lafa aloo ta Sinai keesati inni maqa worra t'aafe.

²⁰Nami ganni isaa diddama oli, ka duula d'aqu dandau, manafi balbala gosa worra gula t'aafani, haga gosa Reubeni ilma angafa ka Yakobooti iti keeyatani. Henni worra yo ch'ufa wolti deebisani akana: [Gosa] — [Henna] Reubeni — 46,500 Simeoni — 59,300 Gadi — 45,650 Yuda — 74,600 Isakari — 54,400 Zabuloni — 57,400 Efraimu — 40,500 Manase — 32,200 Benjamini — 35,400 Dani — 62,700 Asheri — 41,500 Naftali — 53,400 Ch'ufti wolti: — 603,550.

⁴⁷Gosa Lawi ammo gosa taani woliini int'aamne,

⁴⁸wonti akanatiifi AABBO Waaqi duri waan Musani jed'e,

⁴⁹Gaafa nama duula d'aqu dandau heddu, gosa Lawi iti indarini.

⁵⁰Fulla suni worra Lawi huji Waaro tiyya ta Woyyumatiifi ta miha isii iti kenni. Worri ha waaro sunifi miha isii baate, keesa hojate, d'aatu isii qubatuti.

⁵¹Hojja godaantani ch'ufa, worri Lawi ha waaro suni hiikhe, fulla iti qubatani ch'ufati jaaruti. Nama d'ibi, ka waaroti d'iaatu, ha ijeesani.

⁵²Worri Israeli kaani ha mana manani abbu waaro ufi jaaratuti, nami ch'ufti goli isaa woliini ha bandera ufi qabaatuti.

⁵³Ammo worri gosa Lawi ha d'aatu Waaro Woyyuma qubate qorqoratuti, aka nami tokoleeni iti d'iaate akasiini dallansuuni tiyya gumi Israeli imballeesine.

⁵⁴Duuba akanaani worri Israeli waan AABBO Waaqi Musani jed'e ch'ufa tolche.