Read BORANA BIBLE – KITAABA WAAQA Henna 3 Bible Online

Henna 3 - BORANA BIBLE – KITAABA WAAQA bible

Henna 3

¹Tunini ilmaani Harunitifi ta Musa, gaafa AABBO Waaqi gaara Sinai gubbati Musani dubbate.

² Ilmaani d'iira ta Haruni tana; ka angafa Nadabu, taani d'ibiini Abihu, Eleazari, Ithamari.

⁴ ammo Nadabufi Abihu, worri ibida qulqullo intahini lafa aloo ta Sinai keesati AABBO Waaqaa bobeese, jennaani fit'ani. Worri ilmaani ind'alle, tanaafi Eleazarifi Ithamarini ato abbaani worraa jiru, huji qaalole hojatani.

⁵AABBO Waaqi waan Musani jed'e,

⁶Gosa Lawi gayaami, biyya duraani kooti, hojattu qaallicha Haruni jed'ani worra tolchi.

⁷Worri ha huji Waaro Woyyumati malteefi ta qaaloleetifi ta gumi ch'ufa hojatuti.

⁸Ammalle worri ha miha Waaro Woyyuma jabeese huji worra Israelile hojatuti.

⁹Hujiini worri Lawi hojachu male toko ch'alla aka Harunifi ilmaani isaa hojatani.

¹⁰Ammalle Harunifi ilmaani isaa ka atini qaalole tolchite, ha huji suni hojatani; nama d'ibi ka huji suniti d'iaatu ha ijeesaniti.

¹¹AABBO Waaqi waan Musani jed'e,

¹² Worri gosa Lawi amma kiyya. Gaafa anini angafa worra Misiri ch'ufa hobaase, anini ilma angafa ka worra Israeli ch'ufafi waan horini worra gorooruma d'ale ch'ufa fohad'e qulqulleese. Amatana fulla angafa Israeli anini ya worra Lawi fohad'e fud'ad'e: Worri kiyyuma. Anini AABBO Waaqa.

¹³

¹⁴Lafa aloo ta gamooji ta Sinai keesati, AABBO Waaqi waan Musani jed'e,

¹⁵Worra gosa Lawi manafi balbala gosa gula hedi: Ijoolle d'iira ta haga d'alate jia toko teete oli ch'ufa henna keesa t'aafi:

¹⁶Duuba Musani akuma AABBO Waaqi isaani jed'e kaani tolche.

¹⁷Lawiini ilmaani sadi qaba; Gershoni, Kohathi, Merari; worri kunini abbooti balbala gosa worra. Gershonini ilmaani lama qaba: Libni, Shimei, Kohathini ilmaani afuri qaba Amramu, Ishari, Hebroni, Uzieli; Merarileeni ilmaani lama qaba: Maheifi, Mushi. Nami gosa worra ch'ufti worra kana iraa hore.

¹⁸

¹⁹

²⁰

²¹Balbalti Gershoni, mana Libnitifi Shimei qabdi.

²²Nami d'iira, ka haga d'alate jia toko oli, ka henna keesa t'aafani, nama 7,500.

²³Balbalti tunini Waaro Woyyuma duuba, gama ila adu qubati:

²⁴Nami balbala suni mataa Eliasafu ilma Laeli jed'ani.

²⁵Hujiini Waaro Woyyuma ta worri kuni hojatu aka, golla isii ka keesatifi ka alaatifi golla balbala isiitiifi

²⁶golla naabo Waaro Woyyumatiifi waan aka mesa ka sorio irati baasani marsufi, golla balbala naabo sunile jabeesani qorqoratani.

²⁷Balbalti Kohathi mana Amramutifi ka Isharitifi ka Hebronitifi ka Uzieli qabdi.

²⁸Nami d'iira, ka haga d'alate jia toko oli, ka henna keesa t'aafani, nama 8,600.

²⁹Balbati tunini Waaro Woyyuma gama bitaa qubati,

³⁰nami balbala suni mataa Elisafani ilma Uzieli.

³¹Hujiini worri kunini hojatu aka Sanduqa Wold'aqisatiifi mesafi waan ifseeni ira ejitufi waan mesa fakaata ka sorio irati baasani lamaanifi miha qaaloleeni fulla qulqullo keesati hojatunifi golla balbala Fulla Ira Qulqullooti jiru qorqoratani.

³²Mataani gosa Lawi ch'ufa Eleazari, ka ilma qaallicha Haruni. Inni nama Fulla Qulqullo hojatu ch'ufa iti gudda.

³³Balbalti Merari mana Mahlitifi Mushi qabdi.

³⁴Nami d'iira, ka haga d'alate jia toko oli, ka henna keesa t'aafani, 6,200.

³⁵Balbati tunini Waaro Woyyuma gama mirga qubati. Nami balbala suni mataa Surieli ilma Abihaili.

³⁶Hujiini worra kanaa kennani, aka utuba Waaro Woyyumatiifi waan ira dadagalchaniifi waan jala d'ad'abaniifi waan woltiini d'aabani jabeesani qorqoratani.

³⁷Ammalle hujiini d'ibiini worri hojatu, aka utuba naabo alaatifi waan inni ira ejaanjufi d'isa naabotiifi haada isiile jabeesani qorqoratani.

³⁸Musafi Harunifi ilmaani isaa Waaro Woyyuma dura gara ilaboru qubatani. Hujiini worra aka Fulla Qulqullooti aada worra Israeliti tolchani. Nama d'ibi waan kanati d'iaatu inijeesani.

³⁹Henni nama d'iira ka gosa Lawi, ka haga d'alate jia toko oli, ka Musani dubbi AABBO Waaqa gula balbala worra gula t'aafe nama 22,000.

⁴⁰AABBO Waaqi waan Musani jed'e, Ilmi angafa ka Israeli ch'ufti kiyya. Tanaafi ilma angafa ka Israeli, ka haga d'alate jia toko oli, ch'ufa, maqa worraa t'aafi. Ammo fulla worra suni anini waan jed'u, Gochiti Lawi ch'ufti tiyya! Anini AABBO Waaqa! Ammalle anini, waan jed'u, Looni gosa Lawi ch'ufti fulla waan looni Israeli goroomuma d'alani kiyya.

⁴¹

⁴²Musani ee jed'e, ilmaani angafa ch'ufa,

⁴³ta haga d'alate jia toko oli maqa t'aafe: henni sunini ch'ufti wolti nama 22,273.

⁴⁴AABBO Waaqi waan Musani jed'e,

⁴⁵Fulla ilma angafa ch'ufa ka Israeli, worra Lawi eebisi, kiyya tolchi ammalle fulla waan qara d'alate ka looni Israeli looni gosa Lawi eebisi kiyya tolchi.

⁴⁶Waan ilmaani angafa ka worra Israeli nama d'ibba lamafi torbatami sadini worra Lawi ira jirtuufi, ilmaani ira hafte suni bitachu malte.

⁴⁷Ilmaani suni ch'ufa qarsi shanini bitad'i, aka biima qarsi ta gaafasi gula.

⁴⁸Duuba beese tana Harunifi ilmaani isaati kenni.

⁴⁹Musani ee jed'e,

⁵⁰qarsi 1,365 fuud'e,

⁵¹Harunifi ilmaani isaati kenne.