Read BORANA BIBLE – KITAABA WAAQA Henna 33 Bible Online

Henna 33 - BORANA BIBLE – KITAABA WAAQA bible

Henna 33

¹Tunini maqa fulla worri Israeli ququbate, eegi gochiti worraa ch'ufti lafa Misiriti, Musafi Haruni gula, godaante.

²Dubbi Waaqa gula Musani maqa fulla worri qubate ch'ufa t'aafe.

³Worri Israeli guyya kud'ani shaneeso, ka jia tokeeso, eegi Pasaka qara nyaate, lafa Misiri keesaa godaane, worri, ka worri Misiri ch'ufti argu, qarqaarsa AABBO Waaqatini dira Ramesesi keesaa godaane;

⁴ka worri Misiri gaafasi ilmaani worraa ta angafa ta AABBO Waaqi fit'e awaalachu jiru. Akanaani AABBO Waaqi aka waaqa lafa Misiri ch'ufa ira irre qabu agarsiise.

⁵Worri Israeli Ramesesi keesaa godaane, Sukothi qubate.

⁶Sukothi godaane Ethama afaani lafa aloo qubate.

⁷Achi kaani Pi-Hahirothi, ta Baal-Sefonini ilaboruti gorani d'aatu Migdoli qubatani.

⁸Jennaani Pi-Hahirothi kaani, galaana Diima keesa dabrani, lafa aloo ta Shuri d'ufani; godaana guyya sadi godaanani Mara qubatani.

⁹Maraa kaani Elimu qubatani; wonti akanatiifi artiti maddo kud'ani lamatiifi mukha qoonne torbatama qabdi.

¹⁰Elimu godaanani, galaana Diima d'aatu qubatani.

¹¹Arti godaanani, lafa aloo ta Sini qubatani.

¹²Eegi suni artile kaani, Dofka qubatani,

¹³artile kaani Alushi qubatani.

¹⁴Ammalle arti kaani Refidimu qubatani, fulla worri bisaani afaanti d'ugule d'abe.

¹⁵Worri gaafa Refidimu kae gaara Horiti godaane, fullaani worri jiddu ququbate tana: lafa aloo ta Sinaiti, Kibroth-Hataava (yokhaani awaala sabdooma), Haserothi, Rethma, Remon-Peresi, Libna, Risa, Keheletha, gaara Sheferi, Harada, Makelothi, Tahathi, Tera, Mithka, Hasmora, Moserothi, Bene-Yakani, Hor-Hagigadi, Hotbatha, Abrona, Esion-Geberi, lafa aloo ta Sini (yokhaani Kadeshi) ammalle gaara Hori ka afaani lafa Edomu.

³⁸Dubbi AABBO Waaqa gula qaallichi Harunini gaara Hori kore, ganna d'iba tokofi diddami saditi due, gaara suni irati. Gaafasi guyya tokeeso ka jia shaneeso ka ganna afurtameeso, eegi worri Israeli lafa Misiri keesaa godaane.

⁴⁰Hayyuuni Aradi, ka lafti isaa lafa Kanaanitini bitaa aka worri Israeli d'ufu d'agaye.

⁴¹Worri Israeli gaafa gaara Horiti kae diida Moabuti godaane, fullaani worri jiddu ququbate tana: Salmona, Punoni, Obothi, Iye-Abarimu ka lafa Moabu keesa, Dibon-Gadi, Almon-Diblathaimu, gaara Abraimu, ka d'aatu gaara Nebo ammalle diida Moabu ka yo arti ejani Yerikoni galaana Yordani gamaa nama dura mullatu, jiddu Beth-Yeshimothitifi bale Shitimu.

⁵⁰Gaafa worri diida Moabu, ka yo arti ejani Yerikoni galaana Yordani gamaa nama dura mullatu jiru, AABBO Waaqi waan Musani jed'e,

⁵¹Waan atini worra Israelitini jettu, Hojja isani galaana Yordani taakitani lafa Kanaani seentani,

⁵²nama lafa suni keesa jiru ch'ufa keesaa gussuu maltani. Waan worri kad'atu ka d'akhaafi Sibiilani mid'aasanifi fulla worri iti kad'atu ch'ufale balleesa.

⁵³Lafa fud'ad'a, keesa qubad'a, wonti akanatiifi anini ya isanii kenne.

⁵⁴Lafa suni hit'aani qoodad'a, gosafi balbala teesani gula: qooda gudda balbala guddo kenna, qooda diqa balbala diqo kenna.

⁵⁵Ammo yo worra lafa suni tau keesaa gussuu baatani, worri nami hafe akuma filida ila keesatifi qiltipe nafa keesa isani gaargalche isani had'a.

⁵⁶Yo isani worra keesaa gussuu baatani, anini akuma sila worra tolchu isani tolche lafa keesaa isani balleesa.