Read BORANA BIBLE – KITAABA WAAQA Henna 6 Bible Online

Henna 6 - BORANA BIBLE – KITAABA WAAQA bible

Henna 6

¹AABBO Waaqi waan Musani jed'e,

²waan atini worra Israelitini jettu, Hojja nami d'iira yokhaani ka uwa kakhu kakhate, aka aada worra Naziri jed'ani gula deeme AABBO Waaqati ufi kennu,

³ nami akasi kunini ha daad'ifi farso lagatu. Yokhaani inni waan zabibu iraa mid'aasani, ka d'uganifi ka nyaatanile ch'ufa ha lagatuti.

⁴Haga inni aada Naziri suni keesa jiru, inni waan zabibu iraa baha killefi qola mid'aani isiile taanaani tokole inyaatini.

⁵Ammalle haga aada Naziri tana keesa jiru, inni mata ch'irate yokhaani inhaadatini. Haga guyyaani inni AABBO Waaqa kakhate isaati ufi kenne, aada suni gula deemu iraa hobauti, inni ha rifeensa isaa ka matatifi ka areeda galakisuti, aka inni d'ed'eeratu.

⁶Rifeensi isa akheekha aka inni AABBO Waaqati ufi kenne agarsiisu; tanaafi inni reefa tokoleti d'iaate ufi t'ureesu himmalle, ka abbaatifi ka haad'atifi ka oboleesafi oboleetile taanaani iti d'iaachu himmalle.

⁸Haga aada Naziri suni keesa jiru ch'ufa inni qulqullo, ka AABBO Waaqati.

⁹Hojja nami d'aatu isaati due, ka duuba akanaani rifeensi isaa ka aada kaani t'urae, inni guyya torba bule duuba matafi areeda ha haadatuti, duuba ha akanaani ufi qulqulleesuti.

¹⁰Guyya saddeeteeso inni ha sabaliisa lama yokhaani ilmaani sabaliisa lama qaallichatini d'ufuti, fulla balbala Waaro Woyyumati.

¹¹Qaallichi sabaliisa toko ha aka sorio dabaani ufiraa baasani baasuti, kaanile ha aka sorio gubani baasani baasuti, aka akanaani namicha reefati d'iaate t'urae kaani qulqulleesu. Guyyuma suni namichi ha ammalle rifeensafi

¹²nafa ufi AABBO Waaqaa kenne aada Naziriti deebiuti. Haga inni qara aada suni keesa jiru iti inheregani, wonti akanatiifi aada isaa ta qara taani t'ureesani. Ammalle inni elemo ganna toko maro wollaala sunitifi ha d'ufuuni.

¹³ Hojja nami aada Naziri keesa jiru guyyaani inni kakhate dabre, inni aada tana tolchu male. Inni ha fulla balbala Waaro Woyyuma deeme,

¹⁴hori sadi ka aabo inqamne AABBO Waaqaa baasu: elemo ganna toko ka sorio gubani Waaqaa baasani, karso ganna toko ta sorio dabaani ufi iraa baasani, ammalle elemo toko ka sorio wold'ageeti baasani.

¹⁵Inni ammalle dadu qit'a bukho inqamne ha baasuti: qit'a fufurda dargaye ka d'ad'ani wolti makhani mid'aasanifi qit'a hahapicha didiqa d'ad'a dibani, ammalle mid'aanifi daad'i ta baasu malani.

¹⁶Duuba qaallichi ha waan kana ch'ufa AABBO Waaqatini d'ufe, sorio dabaani ufi iraa baasanifi ta gubanile baasuti.

¹⁷Inni ha elemo suni ka sorio wold'ageeti AABBO Waaqaa baasuti, dadu qit'a taani woliini; ammalle inni ha mid'aanifi daad'i ta baasuu malani baasuti.

¹⁸Fulla balbala Waaro Woyyuma, namichi aada Naziri keesa jiru suni, ha rifeensa haadate ibida sorio wold'ageeti gubbati gubani kaaniti jissuti.

¹⁹Duuba eegi balleensu elemo kaani d'aabani, qaallichi ha fuud'e, qit'a fufurda kaani tokofi qit'a hahapicha didiqa kaani toko woliini, harka namicha aada Naziri keesa jiru kaani keesa kayuti.

²⁰Eegi suni qaallichi waan kana ch'ufa AABBO Waaqati ha oliqabuuti woni kunini ch'ufti qooda qulqullo qaallu kennani, handaraafafi miila elemo kaani ka seera gula qaallicha baasani male. Eegi suni namichi aada Naziri keesa jiru kaani, yo fed'e, dandae daad'i d'uga.

²¹Aadaani nama kakhu Naziri kakhatu tana; ammo yo namichi aada Naziri ke jiru kaani waan kakhachu male ira kakhate, inni kakhu inni kakhate suni ha guututi.

²²AABBO Waaqi waan Musani jed'e,

²³Waan atini Harunifi ilmaani isatini jettu, Akanaani gumi Israeli eebisa, waan jettaniini

²⁴AABBO Waaqi ha isani eebise isani qorqoratu.

²⁵AABBO Waaqi ha isaanii nahe eeba isaanii kennuti;

²⁶AABBO Waaqi isani jaalate nagaya isanii kennuti.

²⁷Ammalle AABBO Waaqi waan jed'e, Akanaani maqa kiyyaani gumi Israeli eebisani, aninileni worra eebisa.